Сурет-6. Виктория алхоры сорты
Кәдімгі венгерка (Угорка) - алхоры сортының шыққан тегі белгісіз ескі сорты. Бұл сорт Европаның оңтүстігінде кеңінен тараған. Совет Одағында Украина мен Молдавияда өсірілген. Қазақстанға 1902 -1910 жылдары әкелінді.
Ағашы бойшаң, ағашты отырғызғаннан кейін 6-7 жылдан кейін жеміс береді, тіпті кей жылдары жеміс бермеуі де мүмкін. Өнім мол болған жылдары бір ағаш 40 килограммға дейін, өнім аз жылдары 15-20 килограммға дейін жеміс береді. Жемісі жұмыртқа тәрізді, сопақша келеді, орташа салмағы 30-35г. Қабығы тығыз, түсі қоңыр көк, балауыз түктері бар. Жұмсағы тығыз, алтынға ұқсас жасыл сары түсті, шырыны мол, сүйкімді қышқыл тәтті дәмі бар, бағасы 4 балл. Жемісіндегі қант мөлшері 13,5%, қышқыл мөлшері - 0,72%. Сүйегі онша ірі емес, 1,2г, жұмсағынан оңай айырылады. Жемісі кеш - қыркүйектің аяғында және қазанның басында піседі. Піскен жеміс жұлынып түспей, ағашында ұзақ уақыт бойы тұра береді. Сорт Жамбыл облысының жазықтағы аймағында ғана 1965жылы өсірілген.
Достарыңызбен бөлісу: |
