15-23 ақпанаралығында «Алаш» залында «Ауған қайғысы: 25 жыл өткен соң» атты жаңа техникалық құралдармен жасалған бейнепанорамалы көрмесі ұйымдастырылды. Көрмеге Ауған соғысында Отан үшін отқа түсіп қыршынан қиылған, жат жерде көз жұмған қандас, бауырлас азаматтарымыз жайында деректер қойылды.
22 сәуір-22 мамыраралығында 31 мамыр – саяси қуғын-сүргін және ашаршылық құрбандарының күніне орай ХХ-шы ғасырдың атақты ақыны, саяси қуғын-сүргін құрбаны Павел Васильевтің өмірі мен шығармашылығына арналған «Посулила жизнь дороги мне ледяные...»тақырыбындағы көрменің тұсаукесері өтті. Көрмені «АЛЖИР» мемориалды-мұражай кешені мен Павлодар қаласындағы Павел Васильевтің мұражай-үйінің ұжымы ақынның 105 жыл толуына орай бірігіп ұйымдастырды.
