Мектептегі жеңіл атлетиканың теориясы мен әдістемесі негіздері
жүктеу/скачать 0,58 Mb.
|
Конспект 1
- Бұл бет үшін навигация:
- СЕКІРУ ТЕХНИКАСЫН ҮЙРЕНУ
| ҚИМЫЛ ҚҰРЫЛЫМЫ Секіру түрлерінде қимыл құрылымын төрт негізгі фазаға бөлуге болады: а) екпін алу, б) серпілу, в) ұшу, г) жерге түсу. Қатарынан үш рет секіруде серпілу-ұшу-жерге түсу реттілігі үш рет орындалады. Сырықпен секіруде төрт фаза қолданылады. Бірақ жаттықтырушылармен қолданылатын қимыл құрылымы қосымша қимылдар есебінен ауыстырылады. Спортшы бұл қосымша қимылдарды сырықты майыстыру мен жазу кезінде орындайды. Екпін алу фазасында спортшы көлденең жылдамдық тудырады. Ұзындыққа секіруде, қатарынан үш рет секіруде, сырықпен секіруде ақтық нәтижені көбінесе серпілу кезіндегі көлденең жылдамдық деңгейі анықтайды. Сондықтан осы секіру түрлерінің екпін алу фазасында спортшының міндеті – мүмкіндігінше өзінің максималды жылдамдығына жету. Биіктікке секіруде ақтық нәтижені анықтауда көлденең жылдамдықтың рөлі қатты маңызды емес. 97 СЕКІРУЛЕРДІҢ НЕГІЗДЕРІ Спортшының міндеті - екпін алудың максималды жылдамдықтан гөрі оңтайлы жылдамдыққа жету. Екпін алу фазасы серпілуге дайындықтан тұрады. Сондықтан да, спортшы итерілген кезде оның жүгіру жылдамдығы спортшының мүмкіндіктеріне сәйкес болуы және спортшы осы жылдамдықты қадағалағаны өте маңызды. Барлық секіру түрлерінде жақсы екпін алуға тән белгілер: Шапшаңдық (жылдамдық); Дәлдік пен реттілік; Спортшыны күшті серпілуге дайындау. Спортшы денесінің ұшу траекториясын серпілу фазасы анықтайды (сөйтіп, максималды ұзындық немесе ұшу биіктігі). Осы фазада спортшының міндеті: а) серпілу кезінде дене массасының центрі мүмкіндігінше биігірек болуы керек; b) Екпін алғандағы белгіленген көлденең жылдамдықты пайдалана отырып тік жылдамдықтың максималды деңгейіне жету; c) оңтайлы бұрышпен серпілу. b) және c) пункттердің оңтайлы мәндері спортшының қолданып жатқан техникасы мен оның түріне байланысты өзгереді. Тиімді серпілуге тән белгілер: Спортшы «биік» болуы керек; Серпілетін аяқтың табаны нық, тез, жалпағынан қойылады. Ол жерге бастырылып қалмайды, және сондықтан да тежеулік әрекеті болмайды; Сермейтін аяқтың тізесі алға шығады немесе жамбастан алға шығарылады; Жамбас, тізе және табан буындары толықтай түзуленген. Ұзындыққа секірудің ұшу фазасы кезінде және қатарынан үш рет секірудің үш фазасы кезінде спортшының міндеті – ұшу траекториясының арақашықтығын қысқартатын әрекеттерден аулақ болу және денені жерге түсуге дайындау. Биіктікке секіру мен сырықпен секірудің ұшу фазасы кезінде спортшының міндеті – ұшу биіктігінің төмендеуінен аулақ болу және белгітақтайшадан өту. Сырықпен секіруде де спортшының міндетіне сырық беретін қосымша максималды ұшып шығуды алу кіреді. Ұзындыққа секірудің жерге түсу фазасы кезінде және қатарынан үш рет секірудің ақырғы фазасы кезінде спортшының міндеті – табан жерге бастапқы тигенінен кейін болатын арақашықтықтың азаюын минимумға келтіру. Үш еселік секірудің алғашқы екі жерге түсуі кезінде спортшының міндеті – келесі фазаға қажетті тиімді серпілуге ауысу жасау. Биіктікке секіру мен сырықпен секірудің жерге түсу фазасы кезінде спортшының міндеті – ойдағыдай жерге түсу мен жарақаттардан аулақ болу.
2. СЕКІРУ ТЕХНИКАСЫН ҮЙРЕНУ Секіру түрлерін үйренгенде реттілік пен логиканы қамтамасыз ететін және секіруді қалыптастыратын құралдар: Жүгіріп екпін алғаннан кейін серпілу; Ұшу фазасындағы қимыл-қозғалыстар; Жерге түсу. Көңіл беруге тиіс негізгі жайттар: Екпін алудың аяғындағы жоғарылатылған жиілік. Итерілгенде табан тірегінің белсенді қойылымы. Итерілгенде сермейтін аяқтың күшті әсері. Итерілгенде табан, тізе және жамбас буындарының толықтай түзуленуі. Жолауға болмайтын негізгі жайттар: Екпін алудың аяғында жылдамдықтың төмендеуі. Серпілуге дайындалғанда дене массасы центрінің төмендеуі. (Үлкен тізе бүгу) Итерілгенде қадам мен жермен өкше контактысының тежелуі. Орыннан секіру. Ұшу фазасына уақытынан бұрын белсенді сүйенуі. Ескертулер: Барлық секіру жаттығулары кезінде бүкіл денеге, әсіресе аяқтың табандарына және табан, тізе, жамбас буындарына үлкен механикалық салмақ әсер ететіндігін есте сақтаңыз. Сондықтан шамадан артық салмақ түсуден аулақ болыңыз.
жүктеу/скачать 0,58 Mb. Достарыңызбен бөлісу:
|