Методические рекомендации по организации деятельности Республиканского Общественного Объединения «Единая детско-юношеская организация «Жас Ұлан»
« Жас Ұлан» ұйымына мүше болудың екідеңгейлі жүйесі бар
жүктеу/скачать 1,64 Mb. Pdf көрінісі
|
1496062094248 (1)
| «
Жас Ұлан» ұйымына мүше болудың екідеңгейлі жүйесі бар. «Жас Ұланның» қатарына оның мүшесі болуға, «Жас Ұланның» дамуына өз үлесін қосуға ерікті ниет білдіргендер қабылданып, 5-10 - сынып оқушылары - «Жас Ұлан» аға буынына, ал 1-4 - сынып оқушылары - «Жас Қыран» кіші буынына жатады. 4.2. Мүшелерді ұйымға қабылдау «Жас Ұлан» бастауыш ұйымының жалпы жиналысының шешімімен іске асырылады. Ұйымға көптеп қабылдау жылына 3 рет өткізіледі (одан басқа, өз аймағындағы атаулы күндері де жасауға рұқсат): 1 мамыр – Қазақстан халқының бірлігі күні, 6 шілде – «Жас Ұлан» құрылған күні, 16 желтоқсан – Тәуелсіздік күні. 4.3. «Жас Ұлан» қатарынан өз еркімен шығу үшін, ұйымның мүшесі «Жас Ұлан» бастауыш ұйымының жетекшісі атына жазбаша өтініш береді. 4.4. « Жас Ұлан» Ережесін бұзған ұйым мүшелеріне келесідей сөгіс шаралары қолданылады: ұйымның жалпы жиналысында талқылау, ескерту жасау, сөгіс беру, ұйымнан шығару туралы ескерту жасау. Ең қатаң шара – ұйымнан шығару. 4.5. Ұйымнан шығару мәселесі бастапқы ұйымның жалпы жиналысында шешіледі. Шығару туралы шешім Мектеп комитеті мүшелерінің кемінде 2/3-і дауыс берген жағдайда ғана қабылданған болып саналып, бекітілгеннен кейін күшіне енеді. 5. «Жас Ұлан» құқықтары мен міндеттері: 5.1. «Жас Ұлан» мүшелерінің құқықтары: - «Жас Ұлан» қызметіне белсенді қатысуға; - «Жас Ұлан» басқару органының құрамына сайлануға және сайлауға; - Жас Ұлан» жұмысының бағдарламаларын жүзеге асыру барысындағы табыстары және ерекше жеке жетістіктері үшін мақтаулар мен мадақтаулар алуға (грамоталар, дипломдар, сауықтыру және жазғы лагерлеріне жолдама алуға, «Жас Ұлан» Алтын Кітабы» және т.б.); - «Жас Ұлан» органдарына өтінішпен, арызбен, сұрақтармен, бастамалармен және ұсыныстармен жүгінуге; - Ұйымның барлық деңгейлерінде оның қызметі туралы ақпаратқа қол жетімділік. 5.2. «Жас Ұлан» мүшелерінің міндеттері: 83 - Қазақстан Республикасының мемлекеттік рәміздерін сыйлау (Ту, Елтаңба, Әнұран), өз елінің патриоты болу; - «Жас Ұланның» негізгі Ережелерін және басқару органдарының шешімдерін орындау; - «Жас Ұланның» өзге мүшелерінің құқықтары мен мүдделерін мойындау және құрметтеу; - оқуда, қоғамдық жұмыстарда, еңбекте үлгілі болу; қоғамдық мүлікті сақтау, мәдениетті мінез танытуда өнегелі болу; - салауатты өмір салтын ұстану және оны өз құрдастары арасында насихаттау; - үлкенге құрмет, кішіге ізет көрсету. 6. РӘМІЗДЕРІ МЕН ЕРЕКШЕЛІК БЕЛГІЛЕРІ 6.1. Жас Ұлан» балалар ұйымының рәміздері болып табылатындары : ұран, салтанатты әні (әнұран), ту, галстук, төсбелгі, эмблема, жалауша. 6.2. Ту балалар мен жасөспірімдер бірлігін білдіретін нышан. Ол республикалық ұйымда және оның барлық (мектептік, аудандық/қалалық, облыстық) бөлімшелерінде болуы қажет. Ту – бұл тік төртбұрышты 200х100 см өлшемдегі ортасында ұйым белгісі бейнеленген ақ түсті желкен. Ұйым белгісі кестелік тігіспен, бояумен немесе мата бастырмасымен жасалады. Ту сабында — ұлттық оюлармен кестеленген тiк жолақ өрнектелген. Тудың желкені бойлап алтын түстес шашақтармен көмкерілген. Ту ағаш сабына түтік (төлке) арқылы бекітіліп, оның әшекейі болып табылады. Түтік ұлттық өрнек нақышындағы найза түрінде жасалынған. Металл (пластмасса) найзасы бар тудың ағаш сабының ұзындығы 2 м 20 см құрайды. Оған шашақты бау (алтын түстес) байланады. Ту салтанатты рәсімдерде, шерулерде, мемлекеттік мерекелерде шығарылады. Ол қаптаулы түрде арнайы тіреуде сақталады немесе бөлменің ортасындағы ұйымның салттық қабырғасында, мөлдір жабынды астында тұрады. Ерекше жағдайларда туға құрметті қарауыл қойылуы мүмкін, ол ту көтеруші мен екі атқосшыдан тұрады. Қарауыл кезегі әр 10-15 минут сайын ауысады. Алыс жолдарға туды қапталған күйде иыққа салып тасымалдайды. Ту көтерушілердің киімі ұйым киімі нұсқасының элементтеріне сәйкес келеді. Міндетті түрдегі ерекшелік белгілер: ленталар (аксельбант), бас киім (пилотка), ақ қолғап болып табылады. Лентаның, бас киімнің түсі – бір түсті (көгілдір). 6.3. Галстук– бұл балалар ұйымына қатыстылардың ерекшелік нышаны. Түсі – көгілдір. Галстук өлшемі 40 х 130 см. Галстуктың оң жақ бұрышында «Жас Ұлан» логотипі орналасқан. «Жас Ұлан» логотипі диаметрі 4 см шеңбер түрінде жасалған. 6.4. Ұран – ұйымның нышаны. Ол ұйымның ең басты идеясын білдіреді. 6.5. «Жас Ұланның» ерекше белгілері болып ұйымның идеясын айқын жеткізетін төсбелгілер, барабан, айырмашылық белгілері (шеврондар) сияқты белгілі заттар мен белгілер саналады. 84 7. ҚҰРЫЛЫМЫ 7.1. «Жас Ұланның» негізі «Жас Ұлан» бастауыш ұйымы болып табылады; 7.2. Бастауыш ұйым мектептің құрылымында еріктілік қағидасы бойынша құрылады; 7.3. «Жас Ұланның» бастауыш ұйымы ретінде «Жас Ұлан» Мектеп комитеті шығады; 7.4. « Жас Ұланның» бастапқы ұйымдары (бұдан әрі – Мектеп комитеті) Мектеп комитетінің Жалпы жиналысының шешімімен құрылады. Мектеп комитеті Жалпы жиналысының шешімі, оған барлық сыныптардың көшбасшылары, ұйым қызметіндегі барлық бағыттардың жетекшілері қатысқанында ғана әрекетті саналады; 7.5. « Жас Ұланның» барлық деңгейдегі көшбасшысы «Ұлан басшысы» деп аталады, ол 9-10 сынып оқушылары арасынан Жалпы жиналыста ашық дауыс беру жолымен бір оқу жылы мерзіміне сайланады; 7.6. Атқарушы орган – Мектеп комитетін атқарушы хатшы басқарады (педагог, тәлімгер, ұйымдастырушы-әдіскерлерінің қатарынан), оны аудандық кеңесі және мектеп әкімшілігінің келісуі бойынша Мектеп комитетінің жалпы жиналысында бекітеді; 7.7. Аудандық/қалалық кеңестің атқарушы хатшысын аудандық/қалалық Кеңестің шешімімен аудандық/қалалық білім басқармасы және Облыстық Кеңестің келісімі бойынша бекітеді; 7.8. Облыстық кеңестің атқарушы хатшысын облыстық Кеңестің шешімімен облыстық білім басқармасы және республикалық кеңестің келісімі бойынша бекітеді; 7.9. Аудандық/қалалық кеңес құрамына Мектеп комитеттерінің атқарушы директорлары және «Ұлан Басшылары» кіреді. 7.10. Облыстық кеңестің құрамына аудандық/қалалық кеңестердің атқарушы хатшылары және «Ұлан Басшылары» кіреді. 8. ЖЕТЕКШІ ОРГАНДАР 8.1. Жоғары кеңесші орган Республикалық «Жас Ұлан» Құрылтайы болып табылады, ол жылына бір рет өткізіледі; 8.1.1.Құрылтай шақырылымы, күн тәртібі, регламент, өкілеттілік нормалары мен делегаттарды сайлау тәртібі Республикалық кеңесте, төтенше және кезектен тыс шақырылымдарды есептемегенде, өткізілу күнінен екі ай мерзімінен кешіктірмей анықталып, жарияланады; 8.1.2. Төтенше және кезектен тыс Құрылтай Кеңес төрағасының немесе Кеңес мүшелерінің жалпы санының 1/3-інің бастамасымен Кеңес шешімі негізінде шақырылады; 8.2. Басқару органы - Республикалық кеңес; 8.2.1. Республикалық кеңес жылына үш реттен кем болмайтындай шақырылады, соның ішінде күнтізбелік жыл соңында Кеңестің есеп беру мәжілісі өткізіледі. Кеңес төрағасы өзінің бастамасымен немесе Кеңес 85 мүшелерінің жалпы санынан 1/3-інің бастамасымен кезектен тыс Кеңес отырысын шақырта алады. Кеңес шешімі оның мүшелерінің көпшілік дауысымен қабылданады. Кеңесті өткізу тәртібі мен дауыс беру түрін Кеңес мүшелері алдын ала оның жұмысының басында белгілейді; 8.2.2. Кеңес құзіретіне келесілер кіреді: - « Жас Ұлан» Кеңесі туралы ережесін бекіту; - ұйым бюджеті мен жылдық қаржылық есептерін бекіту; - ұйым Жарғысына өзгертулер мен толықтыруларды енгізу бастамасы; - ұйым қызметінің бағдарламасы мен негізгі бағыттарын анықтау және оларды «Жас Ұлан» Құрылтайына ұсыну; - « Жас Ұлан» Құрылтайының күн тәртібін бекіту; - төтенше және кезектен тыс Құрылтайды өткізу туралы шешім қабылдау; - Кеңес төрағасын 2 жыл мерзімге сайлау; - «Жас Ұланның» құрметті мүшелері қатарына қабылдау; - Бірлестік бөлімшелерін құру және қысқарту туралы шешім қабылдау, Бірлестік бөлімшелері туралы ережені бекіту; - « Жас Ұлан» қызметіне байланысты басқа да мәселелер. 8.2.3. Кеңестің құрамы делегаттар қатарынан анықталып, сайланады (әр облыстан, Алматы және Астана қалаларының атқарушы хатшылары мен «Ұлан басшысын» қосқанда, 2 адамнан); 8.2.4. Кеңестің өкілеттілік мерзімі – екі жыл; 8.3. Кеңестің жалпы қызметіне жетекшілікті Кеңес төрағасы атқарады; 8.3.1. Кеңес төрағасының өкілеттігі Құрылтайдың сәйкес шешімі қабылданғанда, мерзімнен бұрын тоқтатылады; 8.3.2. Кеңес төрағасы төмендегі қызметтерді атқарады: - Құрылтайда есеп береді; - Кеңестің төтенше және кезектен тыс отырысын өткізу туралы бастамасымен шығады; - Кеңес отырыстарына басшылық етеді және Кеңестің қызметін үйлестіреді; - « Жас Ұлан» қызметін ұзақ мерзімді жоспарлау барысына басшылық етеді; - мемлекеттік және басқа да мекемелер мен ұйымдармен қарым-қатынаста « Жас Ұланның» ресми өкілі болады; - Атқарушы директордың ұсынуымен ұйым қызметін басқару құрылымын, штаттық кестені және лауазымдық нұсқаулықтарды бекітеді; - ұйым атынан сенімхатсыз әрекет етеді. 8.3.3. Кеңес төрағасының орынбасарлары болады. Орынбасарларды «Жас Ұлан» кеңесі сайлайды. 8.4. Атқарушы орган ретінде Атқарушы директорат шығады. Атқарушы директоратты Атқарушы директор басқарады 8.4.1. Атқарушы директорды Төрағаның ұсынымы негізінде Республикалық кеңес тағайындайды. 86 8.4.2. Атқарушы директор ұйым қызметін оперативті басқаруды жүзеге асырады, ол Құрылтайға, Кеңеске, Кеңес төрағасына есепті, олардың шешімдерінің орындалуын ұйымдастырады. Атқарушы директор ұйым алдында қызметтің нәтижелері мен заңдылығы үшін жауапты. 8.4.3.Атқарушы директор құзіретіне кіретіндер: - өзінің меншікті құралдары шегінде ұйым қызметін қажетті материалдық- техникалық жабдықтармен қамтамасыз ету; - жарғыдағы қызметті жүзеге асыру үшін қосымша қаржы мен материалдық құралдар көздерін тарту; - Кеңес пен Құрылтайдың кезекті және кезектен тыс отырыстарын ұйымдастыру және өткізу; - бекітілген бюджетке сәйкес мүлік пен қаражатты басқару; - кадрлық мәселелерді шешу, бұл жағдайда орынбасарлары мен аппарат құрылымының жетекшілерін тағайындау Кеңес төрағасымен келісіледі; - Бірлестік қызметкерлеріне қатысты, олардың лауазымға тағайындалуы, ауысуы мен жұмыстан шығуы туралы бұйрықтарды; өз құзіреті шеңберіндегі мәселелер бойынша Атқарушы директораттың барлық қызметкерлеріне орындауға міндетті ұйғарымдарды шығару; сонымен қатар келісім шарт негізінде қызметкерлерді қабылдау; - еңбек ақысының төлену жүйесін анықтайды, сыйақы беру мәселелерін шешеді, мадақтау шараларын қарастырады және тәртіптік сөгістерді береді; - Бірлестік атынан келісім-шарттарды жасайды; - Кеңестің және делегаттар Құрылтайының ерекше құзіретіне кірмейтін басқа да өкілеттіктерді жүргізеді; - ұйым атынан сенімхатсыз әрекет етіп, оның мүдделерін білдіреді. 8.4.4. Атқарушы директор өз өкілеттігін немесе оның бір бөлігін өзінің орынбасарына беруге құқылы. 8.4.5. Атқарушы директордың өз қызметін жүзеге асыруы мүмкін болмағанында, жаңа директор сайлағанға дейін оның қызметі уақытша орынбасарына өтеді. 8.4.6. Атқарушы директордың өкілеттігі, Кеңестің сәйкес шешімі қабылданған жағдайында, мерзімнен бұрын тоқтатылады. 9. ХАЛЫҚАРАЛЫҚ ҚЫЗМЕТ 9.1. « Жас Ұлан» қызметі «Бала құқықтары туралы» Конвенциясына және Қазақстан Республикасының заңнамасына қайшы келмейтін халықаралық үкіметтік емес ұйымдармен өскелең ұрпақты тәрбиелеу саласында өзара әрекеттеседі. 9.2. « Жас Ұлан» жасөспірімдер мен балалардың азаматтық белсенділігін арттыруға; зияткерлік, шығармашылық және әлеуметтік дамуына қолайлы жағдайлар жасауға бағытталған халықаралық үкіметтік емес ұйымдардың жобаларына қатысады. |