Микробиология
жүктеу/скачать 1,43 Mb.
|
УМКД Микробиология 2018
- Бұл бет үшін навигация:
- Ет-пептонды агар (ЕПА).
- Ет-пептонды желатина (ЕПЖ).
- Картопты агар.
- Сыра суслосы.
- Сусло – агар.
| Ет-пептонды сорпа (ЕПС). Ет-пептонды қоректік орталарды дайындау үшін ет сорпасын пайдаланады. Оны былай дайындайды: 500 г ұсақтап туралған, майсыз және шадырғайсыз, сүйексіз етті эмаль кастрюлге салып 1 л 50°С дейін жылытылған құбырдағы су құйып, бөлме температурасында 12 сағатқа қояды немесе 1 сағат бойы 50-55°С бұқтырады. Етті мақталы дәкімен сүзіп, 30 минут коллоидты ақуыздарын ұйыту үшін қайнатады және сорпаны екі рет сүзеді, алдымен мақталы дәкімен, екінші рет сүзгіш қағазы арқылы сүзеді.
Еттің орнына дайын ет экстрактын пайдалануға болады. Ол үшін 1 л ортаға 5 г ет экстрактын пайдаланады. Ет-пептонды сорпаны дайындау үшін 1 л ет сорпасына каллориясын арттыру мақсатында 5-10 г пептон мен осмостық белсенділігі арттыру үшін 5 г ас тұзын қосады. Пептон ерігенше сорпаны үнемі араластыра отырып аздап қыздырады. Сонан соң ортаның рН бейтарап немесе 20% Na2CO3 ерітіндісін қосып әлсіз сілтілі етеді. Ортаның рН-ын қойған соң сорпаны 5-10 минут қайта қайнатады. Құрамындағы ұйытылған ақуызды қағаз сүзгіден сүзіп, мөлдір ет-пептонды сорпаны пробиркаларға құйып, мақталы тығынмен жауып, 120°С температурада 20 минут зарарсыздандырады. Ет-пептонды агар (ЕПА). 1 л ет-пептонды сорпаға 15-20 г агар- агар қосады. Қоректік ортаны агар ерігенше қыздырады (агардың еру температурасы 100°С, қату температурасы 40°С), ортаның рН әлсіз сілтілі болу үшін 20% Na2CO3 ерітіндісін қосады. Ет-пептонды желатина (ЕПЖ). 1 л ет-пептонды сорпаға 100-150 г желатинді қосады. Желатиннің еруі қоректік ортаға қосылатын мөлшеріне байланысты болады: 10%-тік желатин 24°С, 15%-тік желатин 25°С ериді. Желатин еріген соң ортаның рН-ын әлсіз сілтілі етеді, сонан соң 5 минут қайнатады да 40-50°С-қа дейін суытады. Бір мезгілде жұмыртқаның ақ ақуызын аздаған суда езіп, суытылған желатинге құяды, жақсылап араластырып, қайта қыздырады. Ортадағы ақуыз тұнбаға түсіп, ерітінді мөлдір болуы тиіс. Оны сүзіп, пробиркаларға құйып, ортаны әр 24 сағат сайын 3 рет 30 минуттан Кох қайнатқышында зарарсыздандырады. Бұлардан басқа табиғи орталарға төмендегі қоректік орталарды жатқызуға болады: Картопты агар. 200 г тазартылған және жуылған картопты төртбұрыштап кесіп, турайды да 1 л құбырдағы суға салады да, 30 минут қайнатады. Қайнатпаны мақталы дәкемен сүзіп, ортаның мөлшерін сумен 1 л жеткізеді. Алынған сұйықтыққа 2% агар-агар қосады да, ол ерігенше қыздырады. Ортаның рН жүргізілетін тәжірибеге байланысты таңдалады: бактериялар үшін бейтарап (рН 7,0) саңырауқұлақтар үшін қышқылдау орта (рН 5,0-6,0). Қоректік ортаны 1 атм. қысымда 20 минут зарарсыздандырады. Сыра суслосы. Арпа дәнін салқын суда бөктіріп, 35°С өсіреді. өскіндердің ұзындығы дән ұзындығынан екі есе артқан кезде, оларды кептіріп, солод алады. Солод суслосын алу үшін арпа өскіндерін үгітеді. 1 л суға 250 г үгітілген сусло қосады. Қоспадағы амилаза ферменті жақсы бөліну үшін 57°С крахмалға реакциясы (иодпен бояғанда көк түске боялады) жойылғанға дейін қыздырады. Крахмалдың қантқа айналуын тексеру үшін фарфор табақшаларға ерітіндінің тамшы түріндегі үлгісін алады. Суслоны мақта арқылы, сонан соң қағаз сүзгімен сүзеді. Мұндай суслода 10-20% қант болады. Құрамындағы қанттың мөлшерін сахариметр көмегін анықтайды, суслодағы қанттың концентрациясы 6-8% жеткенге дейін су қосады. Суслоны 115°С (0,5 атм. қысымда) 30 минут зарарсыздандырады. Дайын суслоны сыра қайнататын зауыттардан алуға болады. Сусло – агар. Дайындалған суслоға 2,5 -3,0% агар қосып, агар ерігенше қыздырып, мақта арқылы сүзіп, жоғарыдағы суслоны зарарсыздандыру тәсілімен зарарсыздандырады. жүктеу/скачать 1,43 Mb. Достарыңызбен бөлісу:
|