Микробиология
Пысықтауға арналған сұрақтар
жүктеу/скачать 1,43 Mb.
|
УМКД Микробиология 2018
- Бұл бет үшін навигация:
- 13 Зертханалық жұмыс
- Қажетті материалдар
- Май қышқылды ашу.
| Пысықтауға арналған сұрақтар:
1. Ашу дегеніміз не? 2. Ашу үдерісінің тыныс алудан айырмашылығы. 3. Сүтқышқылды бактерияларға тән ерекшеліктер. 4. Сүтқышқылды ашудың қандай жолдарын білесіз? 5. Гомоферментативті сүтқышқылды ашуда қандай соңғы өнім алынады? 6. Гетероферментативті сүт қышқылында ше? 7. Сүтқышқылды ашуға қатысатын микроағзаларды өнеркәсіпте қандай салаларында қолданады? 8. Сүтқышқылды бактерияларды микроскоптау техникасы. № 13 Зертханалық жұмыс Тақырыбы: Майқышқылды ашу, спирттік ашу. Мақсаты: студенттерге спирттік және май қышқылды ашу үдерісіне қатысатын микроағзалар туралы мәліметтер беру. Қажетті материалдар: майқышқылды бактерияларының таза культуралары, спирт шамы, спирт, микроскоп, жабынды және заттық шынылар, фильтр қағазы, микробиологиялық ілмек. Май қышқылды ашу. Майқышқылды ашудың қоздырғыштары — қатаң анаэробтар, қозғалғыш клостриалды немесе плектриалды типті спора түзуші таяқшалар. Түзілетін соңғы өніміне қарай май қышқылды ашуды нағыз май қышқылды ашу (глюкоза, крахмалдың ашуы), ацетонобутилды ашу және пектинді заттардың ашуы деп бөледі. Майқышқылды бактериялар топырақта кең таралған (топырақ үлгілерінің 90%-ын құрайды), көңде, ластанған су қоймаларында, шіріп жатқан өсімдік қалдықтарында, сүтте, өсімдіктердің сыртқы қабығында кездеседі. Майқышқылды ашу үдерісі мына сызбанұсқа бойынша жүреді: 4С6Н12О6 = 3CH3CH2CH2COOH + 2СН3СООН + 8СО2 + 8Н2 Глюкоза Май Сірке Көміртегі Сутегі қышқылы қышқылы диоксиді Май қышқылынан басқа ашу үдерісінде азғана сірке қышқылы, егер ортаның қышқылдығын (рН 5,5 дейін) арттырса, көп мөлшерде бутил спирті мен ацетон түзіледі. Майқышқылды бактериялар үшін энергетикалық материал ретінде крахмал, суда еритін көміртегі (декстриндер, ди-, моносахаридтер), органикалық қышқылдар (сүт, пирожүзім) және спирттер (маннит, глицерин) қолданылады. Азот көзі ретінде бактериялар әр түрлі азоттық қосылыстарды: пептонды, амин қышқылдарын, аммоний тұздарын, кейбіреулері атмосфералық азотты пайдаланады. Май қышқылды ашу Clostridium туысына жататын бактериялардың көмегімен жүзеге асырылады. Крахмалдың майқышқылды ашуын зерттеу үшін картоп ортасында зерттеу жүргізеді. Ол үшін тазартылмаған картопты төрт бұрыштап (куб тәрізді етіп) кеседі де, пробирканың 1/3 бөлігін толтырады. Үстіне бор қосып, 2/3 құбырдағы суды құяды. 80°С су моншасына 10 мин пастеризациялайды. Ортаға топырақ, немесе майқышқылды бактерияларды салмайды, себебі майқышқылды бактериялардың споралары картоптың қабығында үнемі кездеседі. Элективті орта жасайды: - тек амилаза ферменті бар микроағзалар қолданылатын көміртегі көзі – крахмалдың болуы; - пастеризация; - анаэробиоз (пробиркадағы судың жоғары деңгейі және ашу кезінде түзілетін СО2 мен Н2 ауаны ығыстырады). 2-3 күннен соң газдың қарқынды бөлінуі нәтижесінде картоп судың бетіне қалқып шығады. Ашу үдерісі аяқталған соң культуралды сұйықтықты майқышқылды бактериялардың морфологиясын зерттеу үшін және ашу өнімінің сапасын анықтау үшін қолданады. жүктеу/скачать 1,43 Mb. Достарыңызбен бөлісу:
|