Микробиологиялыќ зертхана
жүктеу/скачать 6,39 Mb. Pdf көрінісі
|
сабақ түсіндірген бойынша
| Роз-бенгал сынамасы.
Роз-бенгал сынамасын (РБС) қою үшін қан сарысуын 0,03 мл мөлшерінде эмальданған пластинаның шұқыршығына енгізеді. Ірі қара мал, жылқы, түйе және шошқаның қан сарысуын тексеру кезінде әр шұқыршыққа 0,003 мл антигенді, ал қой, ешкі, қодас және бұғылардың қан сарысуын тексерген жағдайда әр шұңқыршыққа 0,015 мл мөлшерінде антигенді енгізеді. Сонан соң антиген мен қан сарысуын жақсылап бір-бірімен араластырады. Реакция 18-30°С температурада жүргізіледі. Реакция нәтижесін 4 минут аралығында компоненттер толық араласқаннан соң, пластинаны қиғаш ұстау арқылы бағалайды. Егер пластина шұңқыршығында қызғылт түсті түйіршіктер пайда болса, реакция «оң» нәтижелі болып саналады. Ал егер ерітінді 104 біркелкі боялып, агглютинация феномені байқалмаса, онда реакция «теріс» нәтижелі болып бағаланады. Антиген мен қан сарысуын араластырғаннан кейін 4 минуттан соң пайда болған агглютинация нәтижесін «оң» реакция деп санамайды, себебі кейбір жағдайда телімсіз белоктардың тұнбаға түсуі мүмкін. Ірі қара мал қан сарысуын тексеруге антигенді аз мөлшерде қолданған жағдайда (0,015 мл көлемінде) телімсіз реакциялардың пайда болуы мүмкін. Ірі қара мал қан сарысуы мен роз-бенгал антигені қоспасының рН 3,8±0,05 болуы керек. Егерде зерттеуге алынған антигеннің көлемі аз болса, рН маңызы өзгеріп, реакцияның телімділігі төмендейді. Қазіргі уақытта РБС ауылшаруашылық малдарының бруцеллезін балау үшін негізгі әдіс ретінде қолданылады. РБС індеттанулық жағдайды қадағалап отыруға тиімді. Әдетте бұл әдіспен бір мезгілде бірнеше мал басын тексере алмайды, сол себепті осы жағынан басқа серологиялық әдістерден тиімділігі төмен. жүктеу/скачать 6,39 Mb. Достарыңызбен бөлісу:
|