Тышқаннанның көк бауыр жасушаларын (спленоциттерді) бөліп алу. Тышқанды эфирмен немесе хлороформмен
жансыздандырғаннан кейін, ұшаны препаровальды үстелге оң жақ
бүйірімен жатқызып, бекітеді. Сол жақ бүйірін спиртпен өңдейді.
Жануардың мықын аумағының тұсынан бастап қайшымен дене
ортасының сол жағынан 2-2,5 см ұзындықта көлденең тілік жасайды.
Сонан соң пинцетпен тілікті ашқаннан кейін жұқа бұлшық ет қабатынан
күңгірт-қызыл түсті көк бауырды көруге болады.
Көк бауыр орналасқан аумақтың бұлшық етін тіліп, пинцетпен көк
бауырды абайлап дәнекер ұлпасынан ажыратып алады да мұз, салынған
Петри шынысына орналастырады. Көк бауырды дәнекер ұлпасының
қалдықтарынан тазалап, салқын ортада гомогенизациялайды. Пайда
болған қоймалжыңды 4 қабатты капронды фильтрдің көмегімен сүзіп,
спленоциттерді Горяев камерасында санайды. Бір тышқанның көк
бауырында 120-130 млн-ға жуық В- және Т-лимфоциттер болады.
