Микробиологиялыќ зертхана
жүктеу/скачать 6,39 Mb. Pdf көрінісі
|
сабақ түсіндірген бойынша
| Патологиялық материал.
Малдардың тірі кезінде зертханаға танаудан, кеңірдектен алынған шырыштар, сүт (желін үстіндегі лимфа бездері ұлғайған кезде), нәжіс, кейде зәрі жіберіледі. Сойылған малдардың зақымдалған органдары мен лимфа бездері алынады. Ал құстардың өлексесі тұтас жөнелтіледі. Зертханада олардың зақымдалған бауыры, көк бауыры, өкпесі, аналық бездерін алып зерттейді. Аталған патологиялық материалдарды уақытында зерттеуге жіберуге мүмкіндік болмаған жағдайда, оларды 30-40%- глицериннің судағы ерітіндісімен консервілейді немесе мұздатылған күйде жөнелтеді. Әдетте үлгілерде микобактериялар аз мөлшерде болады. Сол себептен қақырық, ірің, шырышқа натрий фосфатының 10%-ды ерітіндісін бірдей көлемде қосып, 24 сағат бойы термостатта ұстайды. Зерттеуге 10-15 минут аралығында 3000 айналыммен центрифугаланған үлгінің тұнбасы алынады. Зақымдалған ұлпаларды ұсақтағаннан кейін, оған 1:4 қатынасында 6%-ды күкірт қышқылын қосып, стерильді келіде ұнтақтайды. Сонан соң үлгіні екі қабатталған дәкемен сүзіп, центрифугалайды. Тұнбаға физиологиялық ерітінді құйып, қайта центрифугалайды. Осылай екі-үш рет жуылғаннан кейін тұнбаны қоректік орталарға себеді және жағынды жасайды. Сүтті 20-30 минут 3000 айналымда центрифугаланып, оған 6%-ды күкірт қышқылы қосылады да физиологиялық ерітіндімен бірнеше рет 143 центрифуга көмегімен шайылады. Зерттеуге сүттің тұнбасы немесе қаймақ қабаты алынады. Шыны түтіктегі 2-4 г май үлгісіне ыстық су құйып, тығынын жауып, 10-15 минут шайқағаннан кейін, төңкеріп салқын жерде қалдырады. Май қатқан соң шыны түтікті абайлап ашып, сұйықтықты центрифуганың шыны түтіктеріне құйып алады. Майдың сұйықтығы сүт сияқты тексеріледі. 50 г нәжіс стерильді келіде күкірт қышқылының 18%-ды ерітіндісінде ұнтақталады да дәкемен сүзіліп, центрифугаланады. Пайда болған тұнба жоғарыда көрсетілгендей зерттеледі. Микобактериялардың концентрациясын флотация тәсілімен де көбейтуге болады. Ол үшін әдеттегідей дайындалған үлгілердің 10 мл-ін ауызы тар шыны ыдысқа құйып, оған 1%-ды NaOH ерітіндісін қосып, тығынын жауып, 10 минут шайқайды. Қоспа дистилденген сумен 1:10 қатынасында сұйылтылады да, оған ксилолдың немесе бензиннің 1-2 мл- і құйылады. Ақырында шыны сауытқа толтыра су құйылады. 30 минут бойы тұрған судың беткі жағында ксилолдың тамшыларынан пайда болған флотациялық сақиналардан қоректік орталарға себеді және жағынды-препараттар дайындайды. жүктеу/скачать 6,39 Mb. Достарыңызбен бөлісу:
|