Тіке байланыс ұстанымы бойынша оқыту үрдісі адамдардың тек тікелей жүздесуі, сөйлесуі, өзара қарым – қатынассы арқылы болады. Өйткені тілдік қатынастың өзі адамзаттың бір – бірімен тікелей қарым- қатынасына, пікірлесуіне, сөйлесуіне негізделген.
Адамның жеке қабілетін ескеру жөніндегі ұстаным тіке байланыс ұстанымына негізделеді. Бұл қағида оқыту әдісінде тіл үйретушінің жеке басына тән барлық қасиеттерді психологиялық, педагогикалық тұрғыдан зерттеуге және оны үнемі санасып отыруға негізделеді. Барлық оқыту жүйесі оқушының зердесіне, ынтасына, қабілетіне қарай бейімделеді. Оқушыларға теориялық білім мен практикалық дағды беруде олардың психикалық қасиеттері, оқуға бейімділігі мен икемділігі ескеріледі. Мұғалім әрбір сабақтың үстінде оқушылардың жеке ерекшеліктерін ескере отырып жұмыс жүргізеді. Сабақты нашар және орта меігерген оқушыларға жеке тапсырмалар береді. Әрбір баланың темпераментін назарға ала отырып жұмыстар орындатылады.
Достарыңызбен бөлісу: |
