Валидтілік. Тест өзі өлшеуге тиістіні өлшей ме және өзінің көмегімен алдын-ала болжанатынды болжай алады ма? Бұл проблема бағалау техникасының кардинальды критериясына, яғни валидтылыққа қатысты. Психологтар валидтіліктің үш типін ажыратады: 1) мазмұнды валидтілік; 2) критериалды валидтілік; 3) конструкциялық валидтілік.
Мазмұнды валидтілік. Валидты болып есептелу үшін, бағалау әдісі мазмұны өлшеніп отырған мінез-құлық аймағының репрезентативті іріктемесіне сәйкес келетін пункттерді өз ауқымына қосып жүруі керек. Алдымызда ұялшақтықты зерттейтін тест тұр делік. Мазмұны бойынша валидты болу үшін, ол жеке тұлғаның ұялшақтық аспектілерін шын мәнісінде аша түсетін сұрақтардан құралуы керек (Мәселен, “Ұялшақтық сіздің жеке үйлеспеушілігіңіздің (дискомфорт) негізгі қайнар көзі болып табылады ма?”, “Үлкен аудитория алдына шыққанда қысыласыз ба?” және “Айналадағы адамдар сізді үнемі сынайтындығына толық сенімдісіз бе?”. Ұялшақтың мазмұны бойынша валидты тестісі “ұялшақтық” түсінігіне енетін компоненттердің әр қайсысына жеке бағалауы қажет.
