Ауыр халдегі науқастардың аяқтарын жуу туралы түсінік

Өте ауыр халдегі науқастар толық түрде іс-шаралар мен жеке гигиенасын қамтамасыз ете алмайды. Мейірбикелердің негізгі міндеттері ешбір ескертусіз ауыр халдегі науқастарға көмектесу. Аяқты күнде жатар алдында тазалап, жуып тұру керек. Ал ауыр халдегі науқастардың аяғын аптасына 2-3 рет жатқан төсегінде жуады. Кереуеттің үстіндегі матрацын түріп, легенді қойып, аяғын жуып, құрғатады. Егер, қант диабетімен ауыратын науқастардың аяғын күткенде міндетті түрде күн сайын, тым қатты терлесе күніне екі рет жуып тұру керек. Су температурасы 35-37 градустан артық емес, оны термометрмен өлшеген жөн. Аяқ булау 5-7 минуттан аспау керек. Сабын майлы болу керек. Жуған соң аяқты башпай араларын жақсылап құрғату керек. Одан соң табанды және және үстіңгі жағын креммен майлау керек.