|
Университет 5В050800 – «Есеп және аудит» мамандығы бойынша Қазақстан Республикасы Білім және ғылым министрлігінің Білім және ғылым министрлігінің Білім және ғылым саласындағы бақылау комитеті берген 26.04.2004 жылғы АА №0000034 қосымшасы негізінде білім беру қызметін жүзеге асырады.
Оқу деңгейлері (сатылары): бакалавриат
Берілетін дәреже: 5В050800 – «Есеп және аудит» мамандығы бойынша «Экономика және бизнес бакалавры» академиялық дәрежесі беріледі.
Бағдарламаға қабылдау жөніндегі талаптар: Бакалавриаттың білім беру бағдарламаларын меңгеруге тілек білдіруші тұлғалардың білімінің алдыңғы деңгейі – орта білім, орта кәсіби білім.
Бағдарламалардың білім беру және кәсіби мақсаттары (оқуды одан әрі жалғастыру мүмкіндігі: Жалпы ұлттық білім берудің мақсаты жоғары мамандандырылған кадрларға деген қоғамның қажеттілігін қанағаттандыра алатын, бәсекеге қабілетті экономика және бизнес бакалаврын даярлау.
Берілген бағыт бойынша бакалавр мыналарды білуі керек:
қаржылық есеп пен есептіліктің ролі мен принциптерін сипаттау;
ұйымның есеп саясатын жасау;
шаруашылық операцияларының бухгалтерлік есебін дұрыс ұйымдастыру;
мүліктердің, міндеттемелер мен капиталдың қозғалыстарын есеп құжаттарында өз уақытылы тіркеу;
ХҚЕС сәйкес қаржылық есептілікті ұйымдар үшін даярлау;
бухгалтерлік есеп әдістемесін ұғыну;
талдау негізінде оқылатын процестің дамуындағы пайда болатын тенденцияларды анықтау;
басқару және өндірістік қызметтің деңгейін арттыруға ықпал ету.
Білім және ғылым министрлігінің № 14 21.01.2010 ж. бұйрығымен өзгерістер енгізілді.
Бағдарламаның білім бері және кәсіби мақсаты/ оқуды одан әрі жалғастыру мүмкіндігі
Бакалаврлар алған теориялық білімдерін, ұйымдардың қызметі жөніндегі ақпараттарды алып, талдап, талқылап, қорытып, бағалап және ұсына отырып тәжірибеде қолдана алуы тиіс. 050505- Есеп және аудит мамандығы бойынша бакалаврлар келесі кәсіби қызмет түрлерін орындай алады:
- Ұйымдастыру-басқару қызметі. Бітіруші мемлекеттік қызметтерде қаржы және салық органдарында, кәсіпорындарында, сақтандыру ұйымдарында, банктер мен басқа қаржы мекемелерінде біліктілік жұмыстың машықтарын игеруі тиіс. Бухгалтерлік есебінің ғылыми-әдістемелік және ұйымдық-технологиялық базасын жасауға қатысады, басқа мамандармен біріге отырып, басқарудың неғұрлым тиімді әдістерін, бизнесті ұйымдастырудың ережелері мен рәсімдерін жасап қолданады, капиталдар нарығында қаржы институттарының қызметтеріне белсене қатысады; компанияның корпоративтік бейнесін қолдап, дамытады.
- Түлектердің есептеме-жобалық қызметі жаңа кәсіпорындарды немесе экономикалық жобаларды ұйымдастыруға қатысты несиелер, қарыздар және қызметін кеңейтуге арналған қаржылық қолдаулардың басқа да түрлерін алуға керекті арнайы құжаттардың тиімділігін талдауға арналған мәліметтерді ұсына отырып, жобаларды техникалық-экономикалық негіздеу арқылы жүзеге асырылады.
Жалпы ұлттық білім берудің мақсаты жоғары мамандандырылған кадрларға деген қоғамның қажеттілігін қанағаттандыра алатын, бәсекеге қабілетті бакалавр мамандарды дайындайтын толыққанды және сапалы базалық жоғары білімге жағдай жасауды қамтамасыз ету болып табылады.
Жалпы блілім беру пәндері циклының мақсаты лингвистикалық, жалпы, гуманитарлық, ғылыми танымдық негіздерді қалыптастыру болып табылады.
Базалық пәндер циклының мақсаты экономикалық және жалпы теориялық пәндер бойынша іргелі білімдер жиынтығын қалыптастыру болып табылады.
Кәсіби пәндер циклының мақсаты- қаржылық есептіліктің ұлттық және халықаралық стандарттарын және аудиттің халықаралық стандарттарын білу болып табылады.
|
|
