195
7-тарау.
ОМАРТАДА ИНФЕКЦИЯЛЫҚ
АУРУЛАРҒА ҚАРСЫ
КҮРЕС ШАРАЛАРЫ
28-зертханалық сабақ. Ара ауруларын балау әдістері
Жүргізу орны және әдістемесі.
Сабақ кафедра дәрісханасында немесе
омарталарда жүргізіледі. Студентер аралардың
өлекселерін жинап індетта-
нулық талдау жасайды. Лабораторияға материал жіберу, жолдама құжат
толтыру әдістемелерін меңгереді
Аралардың жұқпалы ауруларының
ішінде практикалық тұрғыдан
маңыздылары: америкалық және еуропалық шіріме, балапан құрттың қалта-
лануы, гафниоз, вирустық салдану, аспергиллез, аскосфероз, септицемия.
Америкалық шіріме
– балапан құрттардың қуыршақ сатысына
ауысатын кезінде әлсіреп, сарғыштанып, кейін қоңырқай түске еніп, ағаш
желімінің иісіне ұқсас күлімсіз
иіс шығарып, жаппай қырылумен ерекше-
ленетін бал арасы ұясының жұқпалы ауруы.
Қоздырушысы – Bac.larvae балапан құрттан даярланған жағындыда
Грамм оң, ұзын тізбек түрінде көрінетін, сопақша споралар түзетін бактерия.
Микроб сыртқы ортаға өте төзімді, балдағы споралар 40 минут қайнатқанда
өледі.
Америкалық шірімемен жұмысшы және
аналық аралардың жетілген
балапан құрттары ауырады. Ауру қоздырушысы жабайы ара, соналарға да
зардапты. Адам мен жануарларға зияны жоқ.
Ауру бір ұядан екінші ұяға
сұғанақ аралар арқылы тасымалданады, кенелер арқылы да берілуі мүмкін.
Аурудың балауында бактериологиялық зерттеу,
оның ішінде микроско-
пиялау басты роль атқарады. Ауру анықталған жағдайда омартаға карантин
қойылады.
Достарыңызбен бөлісу: 
