Оказать первую помощь и вызвать скорую психиатрическую помощь

#62
*! К. атты азамат көппрофильді ауруханаға өзін қуғындаған адамдардан жасыруын өтініп, көмек сұрап келді.Бір жыл бойы оны біреу аңдып жүр деп санайды. Өзі үйінде жоқта оның үйіне дыбысын жазып алатын аппаратты орнатқан дейді. Ол аппарат оның дыбысын ғана емес, ойын да біле алады деп санайды. Үрейлі, жан жағына күдіктене қарайды. Бүгін жауларынан қашып, су құбырымен 4-қабаттан түсіп келе жатып, қолын жарақаттап алған, аяғын бұрып алып, таксимен келген. Өзін қуудың себебін айта алммайды, «мені қателесіп, басқа адамның орнына қуғындап жүр» деп санайды. Түсіндіруге көнбейді, полиция немесе прокурорды шақыруын сұрайды.

#63
*!32 жастағы науқас жергілікті терапевт дәрігерге диспепсиялық бұзылыстарға (ішінің қорылдауы, ауыз қуысындағы жағымсыз дәм) шағымданып келді. Бұл симптомдардың себебін ол дәрігерлердің «Чернобыльден қорғану» үшін жасалған толқындар деп санайды. Бұл сезімдер 1 ай бұрын пайда болған. Сол кезде жан жағындағы адамдар оған ерекше қарағанын, оның жүріс тұрысын өз ара әңгімелегенін байқаған. Осы эксперименттерді тоқтатуын талап етіп, Ресейдің медициналық ғылым Академиясына хат жазған, бірақ жауап келмеген. «Осы мәселені» шешу үшін дәрігердің көмегін сұрап келген. «Тері астынан сәулелерді, ішінде ауаны, ішек бөліктерінің қозғалысын» сеземін деп айтады, «ішек ішінде паразитттерді» көреді.

#64
*!19 жастағы науқас. Жарты жыл бұрын себепсізден үрей пайда болды. «Түсіну қабілетін жоғалттым», оқыған заттың мағынасын түсінбеймін деп айтты. Естіген сөздерінен «басқа мағына» іздей бастады. Оқу үлгерімі төмендеді. Курстастарын «Мені ақымақ» деп санайды деп күдіктене бастады. Бұрынғы қызығушылықтарын жоғалтты. Оқуға немқұрайды қарады, өз өзіне қарамады, достарымен араласуды тоқтатты.

#65
*!30 жастағы науқас, бұрын психиатр есебінде тұрмаған. Психоневрологиялық диспансерге туысының ұсынысы бойынша келген. Жарты жыл бұрын жүріс тұрысында оғаштық байқала бастаған. Өзінің мамандығы ағаш ұстасы бола тұра, философияны, парапсихологияны оқи бастаған. Жаңа қоғамның моделін таптым деп, әр жерге хат жазып, проектісінің сызған схемасын жіберген. Әңгімелесу кезінде жігерлі, аффектісі аздау. Өзінің «ғылыми жұмыстары» туралы ықыласпен айтады. Қабылдау бұзылыстары анықталмады. Өзін аурумын деп санамайды, қоғам тануда үлкен жаңалық аштым деп сенеді.

#66
*!23 жастағы техникалық институт студенті. Ауруы себепсіз басталды. «Бұрын сүйетін» өнерге, музыкаға, оқуға қызығушылығы жоғалды, таныстарымен араласуды қойды, селқос болды. Гипотикалық әсер ету, артынан аңду сандырағы, есту псевдогаллюцинациясы пайда болды. Жан жағындағы адамдар оның ойын оқиды деп санады. Мағынасыз ойлар айтып, немқұрайлы, белсенсіз болды. Өзіне мін көз қарасы болмады.

#67
*!45 жастағы нақас невропатолог дәрігерге үрейге, тынышсыздыққа, ұйқы бұзылысына, әлсіздікке шағым айтып келді. Әңгіме барысында соңғы 1 ай ішінде гриппке ұқсас жағдайда болғаны, көңілінің төмендеуіне, жұмыс қабілетінің төмендеуіне, өзінің атын біреу шақырып тұратынын, сөйлем болып естілетінін айтты. «Дауыстарды» басының ішінен естіп, оны біреу басқарып тұрғандай сезді. Қорқыныш сезіп, «киініп алған қуғыншыларды» байқаған. Өлтіріп кетеді деген оймен үйден шығуды қойды. Тамақтың жығымсыз дәмін сезді. Тамақ ішпей, арып кетті, үлкен дәреті бұзылды.

#68
*!20 жастағы қыз, 2 рет Шизофрения диагнозымен психиатриялых ауруханада емделіп шыққан. Үйде өзін дөрекілеу ұстайды, ата анасымен жиі ұрсысады, оларды тыңдамайды, үйдн кетіп қалады, үйде қонбайды, алкоголь мен анаша қолданатын жігіттермен араласқаны көрінген, емдеуден бас тартады.

#69
*!22 жастағы жігіт, психиатрия клиникасында өзін мәнерлі, ақымақтық түрде ұстап, қозғалысында, сөйлеген сөзінде оғаштық байқалды. Сөздерді дұрыс айтпай, біресе билейді, біресе төсек үстінде аунайды, қатты күледі, персоналдың ескертулерун елемейді.

#70
*!43 жастағы психиатриялық стационардың пациенті өзінің басының ішінде Алланың ақыл айтқан, кеңес берген «даусын», пациентпен сөйлескен диалогын естиді. Шешесінің айтуы бойынша, баласы үйде «КГБ тарабынан аңду жүріп жатыр» деп, үйдегі ток сөндіргіштерін жұлып алып тастаған. Өйткені ток сөндіргіштер арқылы КГБ оған рентген сәулесі арқылы әсер ететінін, ойларын тыңдап, ойлауға кедер беретінін айтқан. Терезелерді, есікті жауып, сыртқа шықпай отырған, шешесіне туыстарымен араласуға тиым салған.

#71
*! 30 жастағы әйел, психиатр есебінде тұрады, анда санда ыңғайсыз позада мелшиіп тұрып қалады, оны орнынан алып кету әрекетіне қарсылық көрсетеді, сұраққа жауап бермейді. Бір жолы кенеттен орнынан атып тұрып, терезеге жүгіріп барды да қолымен ұрып жіберіп, терезені сындырды. Кейде төсекте басын жастыққа салғандай көтеріп жатады.

#72
*!24 жастағы ер адам, өзінің сыртқы келбетінің өзгергенін, жанжағындағы адамдардың оған күлгенін сезе бастады, периодты түрде басының ішінен «дауыстар» ести бастады, ол «дауыстар» тамақтың уланғаны туралы айтқан, сондықтан тамақ ішпей, қатты жүдеп кеткен. Периодты түрде бір позада мелшиіп қатып қалатын болған. Туыстары психиатриялық клиникаға әкеліп жатқызған.

#73
*! Психиатриялық ауруханада жатқан 38 жастағы науқас, түскен кезде ішіне «жын кіріп кетті» деп айтты, өз өзімн сөйлесіп, жүріс тұрысында оғаштық көрсетті. Қойған сұрақтарға былай жауап берді: оның жүріс- тұрысы, ойлары және сезімдері өзінікі емес, анда санда ырылдап, кейбір түсініксіз дыбыстар шығарады. Туыстарының айтуынша, үйде ызақорлық, агрессивтік көрсеткен, ағасы мен қарындасына ұруға тұра жүгіретін, айтқан ескертуге мән бермейтін.

#74
*!Психиатриялық ауруханада жатқан 25 жастағы науқас, психикасының өзгеруіне байланысты түскен – өз өзімен сөйлескен, көмек сұраған әйелдің, ер адамның, балалар «дауыстарын» естіген, ақыл айтып, Индияға дүниені құтқаруға бар, Австралияға өртті басуға бар деген «Алланың» дауысын естіген, барлық адамдарды мұсылмандыққа айналдыруға барамын деп айтқан. Кейде бір орнында мелшиіп тұрып қалады, өз өзімен сөйлеседі, біресе жылайды, біресе күледі. Ата-анасы «Жедел жәрдем» шақырып, емдеуге жеткізілген.

#75
*!55 жастағы А. атты пациент, «Шизофрения» диагнозымен психиатрдың есебінде тұрады. «Жедел жәрдеммен» стационарға жеткізілді. Түскен кезде Шварцнеггермен доспын деп мақтанып, өзін Яссауидың рухымын деп, адамдарды емдей аламын, Алланның «дауысын» естимін, бәрін оның ақылымен істеймін деп айтты.

#76
*!48 жастағы пацент П., ауруханаға қайталап түскен. Бірнеше күн бұрын оғаштанып, ешкіммен араласпай қойды. Әйеліне телміріп қарап, «Ары қарай не болады?» деген сұрақ қоя берді.Түнде ұйқтап жатқан жерінде әйелін шанышқымен ұрмақшы болған. Дәрігермен әңгіме кезінде «көрші үйден әдейі жіберілген жасыл түсті радиосәулесінің келетітінін» айтты, әйелдің, ер адамның, балалардың «дауыстарын» естиді. «Дауыс» мазмұны бойынша, бұл тыңшылық топ екенін түсінді. «Дауыстар» адамдарды өлтірудің қажеттілігі туралы, үйлерді өртеу туралы айтады деп түсінді. Әйелі де осы топқа кіреді деп түсінген. Сол топтың бұйрығымен әйелі оған тамаққа, сүтке у салды деп ойлады. Әйеліне көрсеткен агрессиясын сол топты өлтіру үшін істелген іс деді.