Паранойяльный синдром предположительно эндогенного происхождения

# 57
*!К. 57 жастағы науқас, өзі туралы айтып берді: «мен кім болып жұмыс істемедім, санитар да бола аламын, түзу жаза да аламын, бала кезімде орындық та жасадым, профессормен бірге айналым да жасадым. Бәрі осылай отырады, мен болсам былай айтамын, конгруэнтті болып шығады. Бәрі айтады ғой, шет елдері көмек береді деп, мен болсам, оыс жерде де акушер болып жұмыс істей аламын, жидектерді ашамыз да саламыз, әйтпесе аспазшы істегені де керек, ғылым- прогресске апаратын ұлы жол...».

# 58
*!К.,науқас 22 жаста. Контактіге түседі. Өз отбасы туралы толық айтып берді. Әңгіме барысында 45 жасқа келген және денсаулығы жақсы анасын өте жақсы көретінін айтты. Бірақ анасы ауырып, қайтыс болып қалмаса екен деген ойды уайымдап, сондықтан анасы 70 жасқа толғанда оны өлтіру ойы бар екенін айтты.

# 59
*!Пациент А., 45 жаста.Ауруханаға бірнеше рет түскен. Анамнезінде – аффективті-сандырақтық ұстамалар болған, кейін 4-5 жалға созылатын сапалы ремиссиялар болған. Госпитализация алдында 1 апта бұрын жағдайы нашарлай бастаған. Ұйқысы бұзылып, көп сөйлеп, далаға қарай жүгірген. Қарау кезінде психомоторлы қозған, назары тұрақсыз, адам арасындағы дистанцияны сақтамайды. Маңызсыз әңгіме айтады, өзін өзі жоғары көтеріп, өз мүмкіншіліктерін жоғарылатады. Себепсіз күледі, болашаққа жоспары өмірге сәйкес келмейді. Айналасындағы аддамдардың ойын біле алатынын айтады. «Ой информациясын» жіберетін «лазердің» әсерін сезеді.

#60
*!Науқас Д., 48 жаста, психиатрия клиникасына «Жедел жәрдемнің» дәрігерінің жіберуімен түскен. Даладан жүріс-тұрысы дұрыс болмағандықтан әкелінді – жан жағына жалтақтап қарай берген, үй қабырғасына жабысып тұрған, бір орнында мелшиіп тұрып қалған, қорыққан. Тергеу орнында отырған баласын уәйімдегені туралы, үрейлегені туралы айтып берді. Сотқа 2 күн қалғанда жатқызылған. Соңғы апта ішінде ұйықтамай, үрейленген. Оның мәселесін бәрі біледі деген, артынан біреу аңдып жүр деген ой мазалайды. Далада өзін аңдып жүрген адамдарды көрген. Госпитализацияланған күні «Жұмыста маған, менің балама қатер бар» деп түсінген. Қайда отырғанын, «Жедел жәрдемнің» не үшін әкелгенін түсінбейді.

#61
*!К. атты азамат көппрофильді ауруханаға өзін қуғындаған адамдардан жасыруын өтініп, көмек сұрап келді.Бір жыл бойы оны біреу аңдып жүр деп санайды. Өзі үйінде жоқта оның үйіне дыбысын жазып алатын аппаратты орнатқан дейді. Ол аппарат оның дыбысын ғана емес, ойын да біле алады деп санайды. Үрейлі, жан жағына күдіктене қарайды. Бүгін жауларынан қашып, су құбырымен 4-қабаттан түсіп келе жатып, қолын жарақаттап алған, аяғын бұрып алып, таксимен келген. Өзін қуудың себебін айта алммайды, «мені қателесіп, басқа адамның орнына қуғындап жүр» деп санайды. Түсіндіруге көнбейді, полиция немесе прокурорды шақыруын сұрайды.