Параграф 4. «Қатынас» білім саласы
Естіп қабылдауын дамыту мен ауызша сөйлеу тілін қалыптастыру
54. Сөздік екпінді бөлу үшін әр түрлі жаттығулар өткізіледі, оны орындау барысында балалар буындарды айта отырып, шапалақ ұрады, ритмді қағады, дирижерлік етеді. Есту қабілетінің елеулі төмендеуі бар балалардың ауызша сөйлеу тілі бір саздылығымен, ырғақсыздығымен ерекшеленеді, сондықтан оқудың екінші жылында сөйлеу тілінің ырғақ қатарымен жұмысты ең алдымен табиғи, сондай-ақ арнайы ұйымдастырылған жағдайды пайдалана отырып, еліктеу негізінде мақсатты түрде бастау керек.
55. Дыбыстарды шақыру (үйрету) белгілі бір концентрлік әдіс шеңберінде қоздыру тәртібімен жүзеге асырылады: дауысты дыбыстар (қазақ тіліне тән дыбыстар енгізілді) А, Ә, О, Ө, У, Ү, Ұ, Э; дауыссыз дыбыстыр П, Т, К, Қ, Ф, С, Ш, Х, В, М, Н, Н, Л (І) Р (Ф.Ф. Рау, Н. Ф. Слезина). Сонымен қатар, О.О. Новикова, Н.Д. Шматко ұсынымдарын пайдалануға болады. Мысалы, дыбыстар осындай тәртіппен шақырылуы (үйретілуі) мүмкін : А, Ә, П, М, У, Ү, Ұ, Т, Н, Ң, О, Ө, Л, Ф, В, И, Б, Д, Е, К, Қ, Г, Ғ, Х, Һ, С, Ш, З, Ж, Р, Ц, Ч т. б. (қазақ тіліне тән дыбыстар енгізілді). Шақырылатын дыбыстар қатары мен санын баланың мүмкіндігіне сай педагог өз бетінше таңдайды. Қандай да бір дыбысты үйрету 1-2 апта ішінде жүргізіледі.
Достарыңызбен бөлісу: |
