МОРФИННІҢ ФАРМАКОЛОГИЯЛЫҚ ҚАСИЕТТЕРІ

МОРФИННІҢ ФАРМАКОЛОГИЯЛЫҚ ҚАСИЕТТЕРІ

• Морфиннің ОНЖ-не әсері
• Морфин ОНЖ-нің қызметін өзгертпейтін мөлшерде анальгетикалық әсер көрсетеді.

Морфинмен шақырылған анальгезия сөйлеудің бұзылуына, қозғалыстық координацияның бұзылуына, сипап-сезуге, вибросезімталдылыққа және есту мүшесіне әсер етпейді.

Морфинді жиі бұлшық етке, тері астына еңгізеді, сонымен қатар көк тамырғада еңгізуге болады. Әсері 4-6 сағатқа созылады.

Ауыру сезімі 2 компоненттерден құралады:

а) Науқастың ауыру сезімталдылық табалдырығына сай ауыру сезімін қабылдау;

б) ауыру сезіміне психикалық, эмоциональды реакцияның пайда болуы.

Морфин осы ауыру сезімінің 2 компонентін де тежейді

• Тыныштандырғыш және ұйықтатқыш әсері. Ұйқышылдықтың, естің шамалы өзгеруімен және логикалық ойлау қабілетінің бұзылуымен көрінеді.

Морфиннің көңіл-күйге әсері. Сау адамдарда морфинді бірінші рет енгізгеннен кейін дисфория, мазасыздық, теріс эмоциялар, өзін-өзі жаман сезіну, көңіл күйінің болмауы байқалады. Ал морфинді қайталап енгізгенде эйфория дамиды: көтеріңкі көңіл-күй, ішкі дүниенің жайлануы, өзін-өзі жақсы, жеңіл сезіну, жағымды эмоциялар. Пайда болған ұйқышылдықтың әсерінен физикалық белсенділіктің төмендеуі, зейін қою концентрациясының қиындауы, қоршаған ортаға немқұраушылықтың пайда болуы сипатталады.