Оң жүрекше-артына кеңейген. Оң жүрекше мен сол жүрекшенің аралығындағы пердеде шұңқыр бар. Ананың құрсағында бұл жерде ашық тесік болады. Бала туғанда тыныс алумен бұл тесік жабылып, орнында шұңқыр қалады. Оң жүрекшеге екі қуыс вена құяды. Оң жүрекше мен қарыншаның арасында тесік бар. Тесікті үш жақтаулы қақпақша жауып тұрады. Бұл арқылы қан жүрекшеден қарыншаға өтеді.
Оң қарынша- сол қарыншадан ет пердесімен бөлінген. Оның қуысы екі бөліктен тұрады. 1.Артқы-қарынша бостығы, 2.Артерия түтігі. Артерия түтігі жоғарысында өкпе сабауымен жалғасады. Оң қарынша қуысының ішкі бетінде бұлшықет өсіндісі-емізік бұлшықеттері орналасқан. Олардан жақтаулы қақпақшаларға сіңір талшықтары тартылған.
