Клиникалық көрінісі көмей саңылауының тарылу дәрежесі мен дамуының жеделдеуімен байланысты: стеноз (тарылу) тез дамыған сайын қауіптілігі жоғарылайды. Ісінудің қабынулық этиологиясында жұтынғанда күшейетін тамақтың ауырсынуы, бөгде затты сезіну, дауыстың өзгеруі мазалайды. Ісінудің ожау тәрізді шеміршектің, ожау-көмейүсті қатпардың, қатпарасты кеңістіктің шырышты қабатына таралуы - көмейдің жедел стенозына алып келеді, клиникалық көрінісі тұншығу мен науқастың өміріне қауіп төндіреді. Ларингоскопиялық тексеріс кезінде көмейдің зақымдалған бөлімінің шырышты қабатының сулы түрде ісінуі анықталады. Көмей үсті шеміршегі тез арада қалыңдайды, қызару болуы мүмкін, үдеріс ожау тәрізді шеміршекке таралады. Дыбыс саңылауы шырышты қабаттың ісінуімен жылдам тарыла- ды, дыбысасты кеңістігінде ісіну екіжақты жастық тәрізді томпаю ретінде болады. Ісінудің қабынулық этиологиясына тән: әр түрлі деңгейде көрінетін реактив- ті көріністер, шырышты қабаттың тамырларының қызаруы, инъецирленуі. Кабынбағанда гиперемия болмайды.
Емі
Емді стационарлық жағдайда жүргізеді. Алдымен сыртқы тыныс алуды калпына келтіру керек. Клиникалық көріністің байқалуына қарай консервативті және хирургиялық ем әдістері қолданылады. Сұйықтықты аз ішу, жеңіл дауыс режимі, физикалық күш түсірмеу жалпы іс-шараларға жатады. Кұрамында антигистаминдік, кортикостероидты, дегидратациялық, препараттар бар дәрілік заттарды бір уақытта енгізу жедел стеноздың белгілерін нәтижесі бұл медикаментозды жақсарту. (бұлшық етке, тамыр ішіне) жояды және тыныс алуды жақсартады Консервативті ем әдістерінің тыныс алудың жолдарының тарылуының компенсирленген, субкомпенсирленген кезеңдеріндегі көрсеткіштері мыналар болып табылады:
1) кең спектрлі әсер ететін антибиотиктерді парентералды (цефалоспо- риндер, жартылай синтетикалық пенициллиндер, макролидтер т.б.);
2) антигистаминді препараттар (0,25% пипольфен ерітіндісін бұлшық етке, тавегил т.б.);
3) кортикостероидтар (гидрокортизон ерітіндісі, преднизолон 3% - 120 мг дейін бұлшық етке); кальций глюконатын 10% - 10 мл бұлшық етке, глюкозаны 40% - 20 мл аскорбин қышқылымен 5 мл бірге тамыр ішіне енгізу ұсынылады;
4) дегидратациялық заттар (фуросемид (лазикс) 20-40 мг бұлшық етке немесе тамыр ішіне; буметанид 1-2 мг тамыр ішіне; гипотиазид таблетка түрінде, верошпирон таблетка түрінде т.б.).
