Үш тілде амандасу
Сәлеметсіздер ме! Здравствуйте! Good morning,students!
Танысу.
Жоқ студенттерді белгілеу, бірыңғай талаптардың орындалуын қадағалау.
«ГҮЛ» әдісіарқылы психологиялық ахуал тудыру
Жоспар: 1. Дене тәрбиесінің теориясы мен әдістемесі.
2. Дене тәрбиесінің мақсаты мен міндеттері.
3. Дене тәрбиесі теориясы мен әдістемесінің дамуы.
4. Тарихи өзінің даму жолындағы дене тәрбиесінің теориясы мен әдістемесінің бірнеше кезеңдері.
1.Дене тәрбиесі теориясы - адам денесін жетілдіру процесін басқарудың жалпы заңдары туралы ғылым. Дене тәрбиесі теориясы дене тәрбиесі жүйесінің мақсатын, міндеттерін, қағидаларын зерттейді, тәрбиенің басқа түрлерімен – ақыл-ой, адамгершілік, эстетикалық, еңбек тәрбиесі мен дене тәрбиесінің заңды байланысын ашып көрсетеді.
Дене тәрбиесі теориясы мен әдістемесі үнемі қоғамдық практикамен бірлікте дамып келеді.
Ол ғылыми зерттеулерді пайдаланады, озат практика жетістіктерін таратады, өйткеннің алдыңғы қатарлы тәжірибесін және қазіргі дүниежүзілік ғылымдағы игіліктің бәрін қолдап отырады. Дене тәрбиесі теориясы мен әдістемесі практиканы ғылыми негіздермен қаруландырады, сөйтіп оның одан әрі дамуына көмектеседі. Ол сондай-ақ практикаға жол ашуға, адамның күш-қуатын кемелдендіруде қандай құралдар және әдістер арқылы жақсы нәтижелерге жетуге болатындығын болжауға тиіс. Дене тәрбиесі теориясы мен әдістемесі педагогика институттарының мектепке дейінгі оқыту мен тәрбиелеу мамандығындағы оқу пәні ретінде мектеп жасына дейінгі балалардың дене тәрбиесі мәселелерін терең оқып-білуге көмектесетін негізгі мәселелерді ашып көрсетеді.
