Оқу іс-әрекетінің мақсаты: Наурыз мерекесі
жүктеу/скачать 28,09 Kb.
|
- Бұл бет үшін навигация:
- Әдіс-тәсілдер
|
Оқу іс-әрекетінің тақырыбы: Наурыз тойы (сурет бойынша әңгіме қүрастыру). Оқу іс-әрекетінің мақсаты: Наурыз мерекесі туралы балалардың түсінігін кеңейту. Наурыз - жыл басы, ұлыстың ұлы күні, қазақ халқының жаңа жыл мерекесі екенін балалардың бойына сіңіру. Салт-дәстүрімізді қолдана отырып, адалдыққа, ұлтжандылыққа, мейірімділікке тәрбиелеу. Әдіс-тәсілдер: Сұрақ-жауап, әңгімелеу, көрсету. Сөздік жүмыс: көгерсін, теңелді. Оқу іс-әрекетінің корнекіліктері: Наурыз тойының суреттері, наурызкөже пісіріп жатқан аналар суреті. Оқу іс-әрекетінің барысы: Ұйымдастыру кезеңі. 1.Кіріспе әңгіме Балалар шаттық шеңберіне тұрады. Көктем, көктем, көктемде, Құстар келіп жеткенде. Қуанып бір қаламыз, Әнмен қарсы аламыз. Қазір жылдың қай мезгілі? Көктем мезгілі неше айдан тұрады? Көктем мезгілінде қандай өзгерістер болады? Наурыз айында қандай ұлттық мерекені тойлаймыз? 2.Дәптермен жүмыс: Сурет бойынша әңгіме құрастыру. Ә. Табылдының «Наурыз тойы» өлеңін балаларға жаттату. Күн менен түн теңелді, Күн шуаққа кенелді, Соны тойлар ел енді. Наурыз тойы — салтымыз, «Көгерсін», - деп халқымыз, Көшеге тал егеміз. Наурызда күн мен түн теңеледі. Байырғы қазақ күнтізбесі бойынша, наурыздың алғашқы күнін жаңа жылдың басы деп, ұлыстың ұлы күні деп атаған. Тыныштық сәті: Баяу музыка әуенімен балалар көздерін жұмады. Көз алдарына көктем мезгілін елестетеді. Жер-әлем жап-жасыл. Күн шуағын төгіп түр. Сылдырап су ағып жатыр. Киіз үйлер қаз-қатар тізіліп түр. Балалар алтыбақан ойнап, аналар наурызкөже пісіріп жатыр. Наурыз тойы басталды. Көзімізді ашайық. Көңіл күйлерің қалай болды? Наурыз тойы несімен ұнады? 3.Дидактикалық ойын: «Бүл қай салт-дәстүр?» Ойын шарты: Қазақ халқының бірнеше салт-дәстүрінің суреттері көрсетіледі. Балалар бұл қай салт-дәстүр екенін табуы керек. Ол туралы толық айта білуі керек. 4.Сергіту сәті: Қарды ерітіп жылғасы, Наурыз келді - жыл басы. Шуақ төкті жарық күн Мейрамында халықтың. (Қимылмен көрсетеді). 5.Дәптермен жүмыс: Наурызкөжеге қосылатын дақылдарды сызық арқылы қос. Үлттық ойын: «Қамшы алу». Ойын шарты: Балалар екі топқа бөлінеді. Әр топтан екі немесе төрт баладан ортаға шығады. Бір-біріне арқаларын тіреп тұрады, қамшыны аяқтарының ортасына қояды. Берілген белгі бойынша қамшыны жылдам алып, жоғары көтеру керек. Кім тез алып көтерсе, сол баланың епті болғаны. Қорытынды: Наурыз мерекесі қандай мереке? Наурызкөжені кімдер пісіреді? Наурыз тойы сендерге несімен ұнайды? жүктеу/скачать 28,09 Kb. Достарыңызбен бөлісу:
|