Синоним – айтылуы әр түрлі, мағынасы ұқсас сөздер.
Символ – ой жүйесі астарлы баяндалатын, басқа жайттарды суреттеу арқылы берілетін бейнелі көрініс.
Стиль – өнер өлшемі, талант таразысы.
Сценарий – көркем өнердің құрылымдық жүйесі.
Сюжет – оқиға желісі мен дамуы. Өмір шындығының ,кейіпкерлер қарым-қ атынастарының әрекеттері, қимыл-қозғалыстары. Шығарма мазмұны мен оқиғалар жүйесі.
Тақырып – туынды табиғатының басты арқауы, бағыт-бағдарын айқындайтын негізгі ө лшем. Шығарма мазмұны мен ондағы шындықтың көрінісі.
Текстология – шығарма мәтінін қолжазба, түпнұсқа арқылы зерттейтін сала.
Тенденция – өмір құбылыстары мен шындықтарын қаз-қалпында көрсету, авторлық көз қарас тұрғысынан бағалау.
Теңеу – бір затты екінші затпен салыстыру, сапалық қырларын көрсету.
Тропп – сөз бен сөз тіркестерінің тура мағынада емес, ауыспалы сипатта көрініс беруі.
Ұқсас көрініс, құбылыстарды салыстыру.
Түпнұсқа –автордың өзі жазған қолжазбасы, негізгі нұсқасы.
Фольклор – халық әдебиеті, ауызша тарайтын көркем туынды.
