§44. Биологиялық ырғақтар. Ұйқы Адам ағзасының биологиялық ырғақтығы. Сендер
(§1, §33)
ғаламшардағы көптеген құбылыстар циклді сипатқа ие екенін білесіңдер.
Адам ғаламшардағы көптеген мекендеушілер сияқты тәуліктің жарық
уақытында белсенді, ал түнде енжар болады.
Біздің ағзамыз күндізгі белсенділікке бейімделген, ал түн – күшті
қалпына келтіру кезеңі.
«Тәуліктік ырғақ – ұйқы мен сергектіктің кезектесуі» деген қате пікір.
Көптеген физиологиялық көрсеткіштер белгілі бір уақытта көптеген адам-
ды тұрақты түрде өзгертеді. Сағат түнгі 3-те адамның ең төмен артериялық
қысымы байқалады, ал таңғы сағат 7-де қанда қант мөлшері ең төмен бола-
ды. Таңғы 9-да жүрек барлық қуатымен жұмыс істейді, ал 16-да қанда қант
мөлшері артады. Сондықтан ағза белсенділігінің табиғи-физиологиялық
уақытына қарсы келу қажет емес.
