Анаэробты микроағзалар – ауадағы оттекті мүлде қажет етпейтін, оттек олар үшін
улы зат болып есептелетін микроағзалар.
Бактерия вирустары – бактерияларды, басқа да микроорганизмдерді іштей
ыдыратып, жойып жіберетін вирустар.
Бассүйек – бірбірімен тұтаса байланысқан, жалпақ сүйектерден тұратын бас
қаңқасы.
Вакуоль – өсімдік жасушасына тән протоплазмадағы жасуша сөліне толы қуыс.
Генетикалық ақпарат – ағзалардың ұрпақтан ұрпаққа жыныс жасушасы арқылы
берілетін қасиеті туралы ақпарат.
Гидра – ішекқуыстылар типінің гидроза класының бір түрі.
Жоғарғы тыныс жолы – ауаны екі бағытта өткізетін тыныс алу жүйесінің түтікше
мүшелері.
Жұлын – жануарлар ағзасының омыртқа өзегінде орналасқан орталық жүйке
жүйесінің мүшесі.
Зат алмасу – организмде жүріп жататын барлық химиялық үдерістердің жиынтығы.
Зигота – аталық және аналық жасушалардың қосылуынан пайда болған бір жасушалы
ұрық.
Имаго – жәндіктердің дамуындағы соңғы ересек түріне айналған сатысы.
Иммунитет – организмнің өзінің тұтастығы мен биологиялық даралығын қорғау,
ауру қоздырғыштар мен улардың әсеріне қарсы тұру.