Қоздырғыштың дамуына жоғары ылғалдылық (90%) жəне 22- 27°С температура қолайлы жағдай туғызады. Инкубациялық кезең
3-4 күн. Саңырауқұлақ өсімдік қалдықтарында склероций, ал тұқымда жіпше түрінде сақталады.
Кесел белгісі жас жəне өсіп жетілген өсімдіктердің барлық жер үсті бөліктерінде, əсіресе жемісінде айқын білінеді. Жапырақта сарғыш немесе қоңыр, дөңгелек дақтар пайда болады. Ылғалды ауа райында дақтар қызғылт түске еніп, жүйкелер маңайында олар- дың үстінде саңырауқұлақтың конидиялы спора тасушыларынан тұратын қызғылт өңез түзіледі.
Сабақтағы дақтар пішіні созылыңқы, түсі сары-қоңыр, қоңыр, сəл басылған. Дақ тұсынан сабақ сынып, өсімдік қурайды.
Жемістегі дақтар пішіні əртүрлі. Алғашқыда майда қоңыр дақ- тар кейін ұлғайып, басылған ойық жараға айналады. Қарбыз же- місінің бетіндегі дақтар басылыңқы, түсі қоңыр болады, ал қияр мен қауында олар шеңберленіп орналасады да, бетінде қызғылт топталған споралар байқалады. Залалданған жас жемістер пішінін өзгертеді (деформация).
