Оқулық Ә.Ә. Шортанбаев, С. В. Кожанова. Алматы, 2008. 2
жүктеу/скачать 10,03 Mb. Pdf көрінісі
|
shortanbaev e e kozhanova s v zhalpy immunologiya okulyk
| ИНТЕРЛЕЙКИН-7
(адам хромосомаларының 8-жұбы). ИЛ-7 1988 жылы лимфоциттердiң бастауыштарының активаторы ретiнде ашылған. Молекулярлық салмағы 25 000 Д құрайды. Алғашында В-лимфоциттердiң дамуын қоздырушы факторы ретiнде бейнеленген. Кейiн ИЛ-7 Т-және В- лимфоциттердiң бастауыш жасушаларының көбеюiнiң беделдi қоздырғышы екендiгi анықталды. ИЛ-7 жетiлген Т- жасушаларының өсу факторы ретiнде ИЛ-2-тәуелсiз механизмнiң көмегiмен антигентәуелдi цитотоксикалық литикалық белсендiлiгi бар Т-лимфоциттер мен ЛАЖ жасушаларының пайда болуын қамтамасыз етедi. ИЛ-7-нi сүйек кемiгiнiң стромалық жасушалары, тимустың (тимустың фибробласттары, эндотелиалдық жасушалары, эпителиалдық жасушалары), көк бауырдың, бүйректiң жасушалары, макрофагтар өндiредi. ИЛ-7 негiзгi лимфопоэтин болып келедi. Ол қан жасушаларының В- лимфоциттер жағына дамуды шақырады, тимус iшiлiк Т-лимфоциттердiң бастауыш жасушаларының көбеюiн қоздырады (лимфоциттердiң дамуының бастапқы кезенiнiң беделдi өсу факторы), бастауыш Т- жасушалардың аман қалуын қолдап, bcl-2 апаптоз ингибиторының экспрессиясын күшейтедi, тимустан тыс орналасқан Т-лимфоциттердiң антиген тәуелсiз көбеюiн негiздейдi. Лимфоциттердiң пролиферациясын қоздырып ИЛ-7, ИЛ-1-мен синергиялық түрде әсер етедi, осы салада ИЛ-7 Т-жасушаларының дамуында басты маңызы бар сияқты. Кофактор ретiнде ИЛ-7 (ИЛ-6 сияқты) ИЛ-2-нiң өнiмiн қоздырады, Т- жасушаларының көбеюi мен Т-киллерлердiң жетiлуiн реттейдi. ИЛ-7 ИЛ-2-нің орынына цитотоксикалық лимфоциттер мен ЛАЖ жасушаларына митогендiк әсер көрсетуге қабiлетi болуы мүмкiн. Цитокиндердiң көпшiлiгiне қарағанда, ИЛ-7нiң лимфоциттердiң дамуындағы әсерi басқа цитокиндермен қайталанбайды. Сол себептен ИЛ- 7 тегi жойылса, тимус жасушалары жоғалады, жалпы лимфопения мен ауыр иммунды тапшылық дамиды. ИЛ-7 адамның шеткерi қанының моноциттерiне күштi әсер келтiредi : олардың ИЛ-1α, ИЛ-1β, ИЛ-6 және IНФ-α. жоғары көлемде өндiрүiн шақырады. Сонымен қатар, ИЛ-7 адам меланомасының А37S тiзбегiнiң жасушаларының моноциттермен лизистенуiн қоздырады. Сонымен, ИЛ-7 лимфопоэтин ретiнде иммунды жүйенiң Т- жасушалық бөлiгiн қамтамасыз етуде зор маңызы бар. |