Оқулық Ә.Ә. Шортанбаев, С. В. Кожанова. Алматы, 2008. 2
жүктеу/скачать 10,03 Mb. Pdf көрінісі
|
shortanbaev e e kozhanova s v zhalpy immunologiya okulyk
| В
0 -лимфоциттердің бұл иммунологиялық жетілмеген лимфоциттер популяциясы. Олардың бетінде тек М класына жататын иммуноглобулиндік антигентанушы рецепторлары орналасады. Олар белсенді орталықтары сыртқа қарап, В-лимфоциттердiң плазмалық мембранасында тіркелді, бірақ ол рецепторлардың тығыздығы В 0 - лимфоциттерде өте төмен болады, сондықтан олар антигенмен толық байланыса алмайды және шеткері қанға иммуноглобулиндерді синтездемейді. В 0 -кезеңi В-лимфоциттердiң клондар құрылу кезеңіне сай келеді. В-лимфоциттер клондары – ол бетінде бір арнайылықты иммуноглобулиндік рецепторлары бар лимфоциттер тобы. В 1 -лимфоциттер бұл шеткері В-лимфоциттердiң жартылай жет3лген дифференциялану кезеңi. Олардың бетінде де рецепторлы М иммуноглобулиндерi болады, бірақ олардың тығыздығы В 0 кезеңiне қарағанда, бірнеше рет жоғары болады. В 1 -лимфоциттер тимустәуелсіз антигендерге қарсы шеткерi қанға иммуноглобулин M синтездейдi; ол біріншілік иммунды жауаптың негізі болып саналады, бірақ сонымен қатар В 1 -лимфоциттер макрофагтармен және Т-лимфоциттермен кооперацияға түсе алмайды, сондықтан тимустәуелді антигендерге антидене синтездей алмайды. В 1 -лимфоциттерге беткерi CD5 маркерi тән. CD5 + В-жасушаларда арнайылығы төмен иммуноглобулиндiк рецепторлар бар және олар бактериялық полисахаридтiк антигендерiмен байланысу қабiлетi жиi көрiнедi. В 2 -лимфоциттер бұл популяция жағынан көп, иммунды хабарлы жетілген жасушалардан тұратын популяциясы. В 2 -лимфоциттер бетінде (дифференциялаушы) иммуноглобулин D-рецепторы пайда болады, ол 45 лимфоциттердiң жетілгендігін көрсетеді. Сонымен қатар, В 2 - лимфоциттердің бетінде барлық иммуноглобулиндердің кластарына жататын антигентанушы рецепторлары пайда болады. В 2 -лимфоциттер кез- келген антигенге қарсы (тимустәуелді және тимустәуелсіз) жауап қайтарады және барлық иммуноглобулиндерді синтездей алады, ол – екіншілік иммунды жауаптың негізін құрады. В 2 -лимфоциттер тек иммуноглобулиндер синтездейтiн плазмалық жасушаларға айналмайды, сонымен қатар олар антиген жайлы хабар сақтай алатын еске сақтаушы В-лимфоциттерге де айналады. Организмге қайта антиген енгенде, еске сақтаушы В-лимфоциттер көмегімен антиген тануы жеделірек жүріп, сай келетін В-лимфоциттер клоны көбейіп, антигенге қарсы арнайы антиденелер синтезделiнедi. В 2 -лимфоциттер кезеңінде антигентәуелді дифференциялану нәтижесінде, белгілі антигенге әсер көрсетуші В-лимфоциттер клонының әр қайсысының ішінде кезекпе-кезек иммуноглобулиндердің молекулаларының ауыр тізбегінің синтезін кодтаушы гендердің алмасуы соңында, В 2 -лимфоциттердің негізгі төрт тобы пайда болады : β , β , β , β ; олар IgM, IgG, IgE, IgA-ң синтезделiнуiмен секрециясын жүзеге асырады. Дифференциялану кезiнде бiрiншi болып бетінде IgD және IgM орналасқан В 2 -лимфоциттер тобы пайда болады, кейін олар M иммуноглобулинды сыртқа синтездейдi. Содан кейін, дифференциялану кезiнде гендердің алмасуы нәтижесінде бетінде IgD және IgG бар В 2 -лимфоциттер тобы құрылады, олар берілген антигенге қарсы IgG синтездейдi. Үшінші болып - бетінде IgD және IgE бар, IgE синтездейтiн В 2 -лимфоциттер тобы құрылады; ал еің соңғы төртінші топқа - бетінде IgD және IgA бар В 2 -лимфоциттер кiредi, олар IgA түзуші плазмалық жасушаларға айналады. В 2 -лимфоциттер бетiндегі IgD тек мембранамен байланысқан түрінде болады, қалыпты жағдайда сыртқа өте аз бөлінеді. Бұл иммуноглобулин әсері толық зерттелмеген, бірақ В-лимфоциттердiң бетінен алынып тасталса, онда оның тимустәуелді антигенге әсер ету қабілеті төмендейтіндігі эксперимент түрінде дәлелденген. Сөйтіп, организмге кез-келген антиген түскенде (тимустәуелді және тимустәуелсіз) гуморалды жауап кезінде антигенге қарсы бірінші IgM синтезделiнедi, ал содан кейін басқа кластарының иммуноглобулиндері IgG, IgE, IgA синтезделiнедi , бұл организмнің тіндері мен мүшелерінің эффективті қорғанысын қамтамасыз етеді. жүктеу/скачать 10,03 Mb. Достарыңызбен бөлісу:
|