Қазақстан Республикасының «Білім туралы» Заңы. Қазақстан Республикасының 2011-2020 жылдарға арналған білім беруді дамытудың мемлекеттік бағдарламасы Қазақстан Республикасында білім беруді дамытудың 2011-2020 жылдарға
арналған жаңа мемлекеттік бағдарламасы білім беру саласының таяу
онжылдықтағы негізгі даму басымдылықтарын белгілеп қана қоймай, сонымен
қатар еліміздің болашақтағы жалпы даму барысын анықтайды.
Бағдарламада білім берудегі бәсекеге қабілеттіліктің артуы мен адами
капиталдың дамуына айрықша ден қойылған, оның нәтижесінде экономиканың
және халықтың әл-ауқатының тұрақты өсуі қамтамасыз етіледі.
2011 жылы қолданыстағы «Білім туралы» заңына (2007 ж.) сапалы
өзгерістер мен толықтырулар енгізілді. Атап айтқанда: интеграцияланған білім
беру бағдарламалары; инклюзивті білім беру; біліктілікті арттырудың
ваучерлік-модульдік жүйесі және т.б. терминдер енгізіліп, жаңа сипаттамасы
берілді.
