Оқушылардың оқудағы жетістіктерін бағалаудың негізгі мақсаты –
алынған білімдік нәтижелердің алдын ала жоспарланған нәтижелерге сәйкестік
дәрежесін анықтау. Оқушының өзі емес, оның жұмысы бағаланады. Ал
бағалауда басты назарды жұмыстың кемшіліктеріне емес, жетістіктеріне аудару
керек. Кемшіліктер екінші кезекте қарастырылады.
“Критериалды бағалау” терминін ғылымда алғаш рет Р.Ю.Глейзер
қолданған, ол әдеттегі мінез-құлық моделінің жиынын анықтау процесін,
оқушылардың оқу жетістігі деңгейінің шамасы мен қолжетімділігінің
арасындағы сәйкестікті сипаттады. Бұл оқушы әрекетін алдын ала анықталған
критерийлерді тіркеп жинақтау арқылы бағалауды білдіреді.
Критериалды бағалауды енгізудің мақсаты бағалау критерийлерінің
негізінде оқушылардың оқу жетістіктері туралы шынайы ақпарат алу және оқу
процесін жетілдіре түсу.
