Әрдайым оқушымен сөйлесу қарым-қатынасында жіті болыңыз. Жасөспірім бала өзінен үлкен жастағы адаммен қарым-қатынаста болғанда, мейлі ол сөйлесу форматында немесе бір істі бірге атқару форматында болсын, бұл баланың ынтасына орасан зор әсерін тигізеді. Мұғалім қарым-қатынас түрінің әр алуан түрін мейілінше қолдана білсе, сабақ та балаларға қызықты әрі жалықтырмайтын болады.
Басқа ортада оқыту. Балалардың ынтасының күрт төмендеуін кейде бір ортада отырып дәріс тыңдай берілгенімен байланыстырады. Сондықтан да арагідік оқушыларды өзгеше, қызықты бір ортаға алып барып, дәріс беруге болады. Мысалы, керемет табиғат ортасында, өзгеше архитектуралы ғимарат ішінде немесе жәй ғана таза ауаға шығарып сабаң өткізу. Неге болмасқа? Бұл әдіс балардың оқуға деген қызығушылығын арттырудың таптырмайтын бір жолы.
