«Өзін-өзі басқару күні» ұстаздар мерекесіне арналған ««Ұстаз – ұлы есім» атты мерекелік жиынның бағдарламасы. Мақсаты

І кезең:

1. Таңертеңгі  жиын

а) Мектеп директоры:   Анар Қайыркенқызы Жаныгулова сөз сөйлейді

ә) ТІМ Абеуова Гульден Кусмановна   сынып жетекшілер мен  пән мұғалімдердің  тізімін оқып, сабақ кестесі мен  қоңырау кестесін таныстырады.

 ІІ  кезең:

2. ««Ұстаз – ұлы есім» -  атты  концерттік бағдарлама

 а) Концерттік  бағдарлама.

 ІІ кезең:

1. 
   жүргізуші:
   

Білім нәрін сіңірген.

Ұстаз алдын  көргендер,

Заман  көшіне  ергендер.

Абыройын  асқақтат,

Орынын  әркез төрден  бер!

Құрметті ұстаздар! Сіздерді Мұғалімдер күнімен шын жүректен құттықтаймыз! Сіздердің бала көңілдеріңіз əр оқушының жандүниесін нұрландырып, жүрегіне шапағат нұрын төгуде. Мұғалімнен өнеге-білім алып, өмір теңізіне құлаш ұрған кез келген шəкірт ұстазымен мақтанады. «Мектептің жүрегі», «Бала жанының бағбаны»…

Иə, бұл мектеп мұғалімі — ұстазға арналған теңеулер. Мұндай мадақтауларды жалғастыра берсек, даналық сөздер тізбегі шексіздікке ұласады. Мерейлі мерекеде дендеріңізге саулық, отбасыларыңызға амандық, істеріңізге сəттілік тілейміз.

2. 
   жүргізуші:
   

  Ән: «Ұстазым менің»

Бір сіздерден табылады даналық

Ортамызда аман-есен жүріңіздер

Ұрпақтарға тәлім беріп, дара нық.

Бақытты қолдан  жасарлық күш бар ұстазда

Уақыттан  алға  асарлық  күш  бар ұстазда

Ой-сана  түлеп , күнде өсетін де  ұстаздар

Болашақтарға  сән қосатын да  ұстаздар -  деп ортаға Өзбек биімен 7 – сынып қыздарын шақырамыз.

2 - жүргізуші:

Ұстаз деген ұлы сөз ұлағатты,

Ол болмаса, кім береді парасатты.

Асылын беріп шәкірт бойларына,

Ағартқан сол үшін де қара шашты, - «Махаббат аралы» әнін қабыл алыңыздар!

1 - жүргізуші:

Ұстазға әркім басын ию керек,

Кемеңгер, ақылшым деп білу керек.

Сен бүгін керемет боп кетсең дағы,

Жеткізген сол ұстаз деп білу керек.- деп ортаға бастауыш сынып оқушыларын «Чему учат в школе» әнімен шақырамыз.

2 - жүргізуші:

Шәкіртіне «Өмір сырын ұға біл!»

Деген ұстаз – ұстасы ғой мұраның.
Құрметтеген бар адамзат баласы
Қастерлі есім, екінші ана – мұғалім.
Жүрек жарып шын көңілмен жырлаған
Тыңдаңыздар шәкірттердің алғысын, - бүгінгі өзін өзі басқару күніндегі мектеп директорының қызметін атқарған 11 – сынып оқушысы Құдайбергенов Санатқа құттықтау сөз кезегі беріледі. «Мерекем» әні

1- жүргізуші: Ұстаз! Ұстаздық – ұлы нәрсе. Ұстаздық ету өзіңнің уақытыңды аямау, өзгенің бақытын аялау. Жарық дүниеде бұдан асқан қиын, бұдан асқан қиямет қайым қызмет жоқ. Патшалық құру ұстаздық етуден он есе жеңіл. Ұстаздық міндетті батыр да, бай да, патша да атқара алмас. Ұстаздық ұстаздан басқа ешкімнің қолынан келмейді. Қысқасы патшалық құру – рахат, ал ұстаздық ету – бейнет.
2- жүргізуші: Сол бейнеттің зейнетін көріп отырған аяулы ардагер ұстаздарымыз да, 20 – 30 жылдан астам ұстаздық етіп келе жатқан аяулы ұстаздарымыз бар. Қадірлі ұстаздар! Жаныңызға шуақ шашар сәулелі мерекелеріңізбен шын жүректен құттықтап сіздерге зор денсаулық, ұзақ өмір, қажымас қайрат, еңбектеріңізге табыс, отбасыларыңызға береке мен шаттық тілей отырып, ән: «Жан досым». Қабыл алыңыздар!

1- жүргізуші: Шәкірттерін азамат қып саналы,
                         Ұстаз ана, дана бола алады.
                        Ең бастысы ұстаз мына өмірде
                         Ұлағат боп, ұлылық боп қалады.

Шығыс биі.

3. 
   жүргізуші: Ұстаз біздің ұлы тұлға ардақты
   

Құрметтейік, пір тұтайық әрдайым

Осынау бір ұлы есімді мәңгілік

Ән: «Асыл анам»

2- жүргізуші: Өнерпаздар жарысып сан-саналы
                        Жиын десе, той десе жан салады.
                       Ұстаздардың мерекесі құрметіне
                       Әуелеген әсем ән де жолданады.
Әзіл – ысқақ «Үнді махаббаты»
2- жүргізуші: Ұстаздық жол жеңіл емес кімге де,
                        Кім көрінген ілікпейді жүлдеге
                        Мүсіндеуге келешектің келбетін
                        Күн-күн сайын шығады ол мінбеге.

Ән: «Аяулы мектебім»

1 – жүргізуші: Жақсылар ұмытпайды ұстаздарын,

Ойлайды, олар сонымен ұшталғанын.

Мәңгілікке мақтанып өтеді ұстаз,

Шәкіртінің биікке шыққандарын.

Ұстаз деген – өмірімнің мәңгі өшпес жалауы

Ұстаз деген - Тәңіріміз сыйға берген ұлылық

Ұлылықты сақтайықшы, ұлы есім ғып мәңгілік, - дей отыра «Бақыт таңы» әнін қабыл алыңыздар!

Әлемді тебірентер – Ұстаз үні

Ұстассыз шәкірт жоқ жер бетінде

Ұғып ал, бөбектерім, сендер мұны, - дей отыра қыздарымыздың орындауында «Қызыл гүлім-ай» әнін тамашалаңыздар!

Күн сайын өркендейміз, өзгереміз,

Ұл-қыздың бақыты үшін ғұмыр кешкен

Ұстаздарға мың алғыс деп бас иеміз

Тілектермен ұлғайсын мерекеміз

Ұстаздарға жолдаймыз аппақ алғыс

Осымен аяқталды концертіміз.

Жалтыр жалпы орта білім беретін мектеп