БАЛУАНДАРДЫҢ САЛМАҚ АЗАЙТУ БАРЫСЫНДА ЖҰМЫС ІСТЕУ ҚАБІЛЕТТІЛІГІН ҚАЛПЫНА КЕЛТІРУ ƏДІСТЕРІ
А.С. Балтина ‒ Қазақ спорт және туризм академиясының аға оқытушысы, магистр, Алматы қ.
Ж.Е. Желеубаева – Республикалық спорт колледжінің оқытушысы, Алматы қ.
М.С. Оспанова ‒ Республикалық физика-математика мектебінің дене шынықтыру мұғалімі, Алматы қ.
Аңдатпа. Мақалада балуандардың жаттығу жүктемелерінен кейін қалпына келтіру және салмақ азайту
барысында бу моншасының спортшы ағзасына тигізетін пайдасы мен әсерін анықтау мәселелері
қарастырылады. Бу моншасы, әдеби көздер дәлелдегендей, барлық организмге жақсы әсер етеді және
спортшылардың жұмысқа қабілеттілігін қалыпқа келтірудің тиімді құралы болып табылады. Спортшы-
лардың, көбінесе балуандардың арасында салмақ тастау үшін кеңінен қолданылады. Аталған мәселелер
бойынша отандық және шетел авторларының ғылыми және ғылыми-әдістемелік әдебиеттеріне талдау
жүргізіліп, отандық спортшылардың салмақ азайту мәселесінің кемшіліктері анықталған. Спортшылардың
салмақ азайту және қайта қалпына келтіру мақсатында бу моншасын пайдалану кезіндегі спортшылардың
жүрек соғу жиілігі есепке алынып, ағзаға тигізер әсері анықталған. Қорытынды бөлімінде балуандарға бу
моншасын пайдаланудың ағзаға тигізер әсері анықталып, оны тиімді пайдалану жолдары ұсынылған.
