| Эвристикалық әдіс.
Баланың оқу мотивтерін, оның ішінде танымдық
қызығушылығын қалыптастырудың бір жолы ретінде көсемшені оқытуда
эвристикалық әдіс қолданылады. Эвристикалық әдіс көсемшені оқушының
өздігінен түсінуі мен шешуі болып саналады. Мұнда білім мазмұнын
меңгертуде оқушының ынта-ықыласын жұмылдыру мақсаты көзделеді.
Мұндай әдіспен сабақ өткізуді мұғалім алдын ала жоспарлап, мынадай
міндеттерді белгілейді:
-
көсемшеден грамматикалық материалды түсіндіру жолын ықшамдап,
әр баланың қабылдауына, ақыл-ойына қонымды болу жағын көздеу;
-
меңгерілуге тиісті материалдардың түйінді мәселелерін оқушылардың
өздері ашатындай жағдай тудыру.
Бұл жағдайда мұғалімнің міндеті оқушының әрекетін ұйымдастыру,
көсемшені түсіндірусіз, нұсқаусыз жүргізу болып табылады. Оқушы сол
тапсырмаларды шешудің жолдарын өздері табады, бұл олардың ақыл-ой
белсенділігін дамытуға бағытталады.
| 
