Дерматомикоздардың таза өсінділерін бөліп алу үшін
патологиялық материалдардың үлгісі арнайы қоректік орталарға
(Сабуро, сусло-агар, 2%-ды глюкозасы бар ЕПА) себінді жасалады.
Үлгілерді 5-7 минут бойы 60ºС спиртте ұстағаннан кейін екі рет
дистилденген сумен шайып, термостатта (+37ºС) кептіреді. Осы
тәсілдермен өңделген үлгілер басқа микрофлоралардан тазартылады.
Кейде оларды антибиотиктер (пенициллин, стрептомицин) қосылған
қоректік орталарға себінді жасап 26-28ºС температурада 20-30 күн
өсіреді.
АСПЕРГИЛЛЕЗ қоздырғышы
Deuteromycetes класына,
Aspergillus туысына жататын жетілмеген саңырауқұлақ. Бұл саңырауқұлақтар
көптеген жануарлардың организмінде тіршілік етеді. Аспергиллез
малдардың күтімі мен азықтандыруы нашарлағанда, организмнің
резистенттілігі төмендегенде өршитін үй және жабайы құстардың, сирек
жағдайда сүт қоректілердің (ірі қара мал, қой, шошқа, ешкі, жылқы, бал
170
арасы) жұқпалы емес ауруы. Бұл ауруға шалдыққан жануарлар тыныс
мүшелерінің (әсіресе өкпе) гранулематозды қабынуы байқалады.
