Байланысты: praktikal k sabaktarga adistemelik kural (2)
Тік ішекке арналған ерітінділер (per rectum) Рer rectum (clysma) 3 түрге бөлінеді: дәрілік, тазартқыш және қоректік
клизмалар. Дәрілік клизмалар жергілікті және сіңіргіштік әсер үшін қолданылып,
дәрілік ерітінділер денеге тез сіңіп, тез әсер етеді. Тазартқыш клизмалар жиі және
ұзақ уақыт қолдануға болмайды, өйткені соған үйреніп алып, тік ішектің жұмысы
нашарлап кетуі мүмкін. Қоректік клизмалар ағзаның сұйықтыққа, тұздарға және
қоректік заттарға қажеттілігін толтыру үшін тікелей ішек арқылы қоректік заттарды
енгізу үшін қолданылады,себебі ішектің шырышты арқылы заттар тез сіңеді.
Емдік клизманың мөлшері ірі қара малдар үшін 1 литрден артық болмауы, ал
ұсақ малдар үшін 50-100 мл шамасында болуы тиіс.
Тік ішекке берілетін ерітінділерді жазып беру үшін білу керек:
1. бір рет берілетін дәрілік заттың мөлшерін;
2. беру мөлшерін 1-3;
3. бір клизманың мөлшерін;
Мысал. Итке 0,2 мөлшерінде мединал (Medinalum) клизма түрінде жазылып
берілсін.
Rp.: Medinali 0,2 Aquae destillatae аd 50 ml Misce, fiat solutio. D.S. Тік ішекке берілсін.
