141
1928 жылдың сәуір айында Достанов Еңсеп Қызылорда қаласынан
Шымкентке келіп, Базарная көшесіндегі №69 үйдегі жолдастары - Бітімбаев,
Досов және Жүзбаевтың пәтерінде тұрады.
Бірте-бірте бұл адамдармен, сондай-ақ ауылшаруашылық техникумының
студенттері Молдабеков және Манасбаевпен әңгімелесу барысында Достанов
«Қазақшылдар»
ұлтшыл
контрреволюциялық
астыртын
ұйымының
тапсырмасымен Шымкент қаласына астыртын жұмыстарға келгенін аңғартады.
Содан кейін ол Манасбаев, Бітімбаев және Молдабековпен жоғарыдағы ұйым
атынан қазақ халқына Үндеу шығару қажеттігі туралы сөйлесіп, Үндеу шығаруға
тікелей қатысу үшін сөз байласуға кіріседі.
Үндеуді дайындауға Бітімбаев, Молдабеков, Манасбаев және Достановтың
өзі қатысқан, ал Достанов пен Бітімбаев Үндеу мәтінін дауыстап айтып тұрған,
Манасбаев бұл үндеулерді жазған. Үндеу редакциясы Бітімбаевқа тиесілі.
Осылайша 6 данасы жасалды.
Үндеуге қажет қағазды «Знание» дүкенінен сатып алған, ал бұл қағазды
сатып алу үшін ақшаны Достанов Досовтан алған.
Үндеуді 1928 жылдың 7 мамырына қараған түні Достанов, Молдабеков
және Манасбаевтар Губерниялық атқару комитетінің, Губзу, Еңбек бөлімінің,
Губсудтың, атқару комитетінің және қалалық дәріхананың терезелеріне
жабыстырған.
Басыңды көтер, қазақ! деген үндеуде авторлар қазақ халқын, атап айтқанда
жастарды отаршыл – еуропалықтарға қарсы күреске шақырып, партия мен
үкіметтің астық дайындау, жер өңдеу саласындағы саясатына тоқталады.
Достарыңызбен бөлісу: