Патологиялық анатомия І

Қаназдық (ишемия)

Ишемия деп ағзаның бір бөлігінің артерия қанының ағып келуіне байланысты қансызданып қалуын атайды.

Ишемия 5түрге бөлінеді:

• Қан тамырларының түйіліп қалуына байланысты;
• Қан тамырлары бастырылып қалғанда болатын;
• Қан тамырлары тығындалып қалғанда;
• Қанның қайта бөлуіне байланысты;
• Функйионалдық сәйкессіздік нәтижесінде дамитын ишемия

Қанағу

Қанағу деп қанның қан тамырларынан, жүректен ішкі немесе сыртқы ортаға шығуын айтамыз.

Қанағудың негізінен үш түрлі себебі бар:

• Қан тамырларының жыртылып немесе жарылып кетуі;
• Қан тамырлары кемерінің іріп ыдырауын немесе жегіленуі;
• Диапедез.

Қанағу түрлері

Артериялық Капилярлық

Веналық

Одан басқа ішкі және сыртқы, алғашқы және қайталама қанағу түрлерін ажыратады. Егер құйылған қан айналасындағы тіндерді бұзып, бір жерге топталып қалса оны қанды ісік – гематома дейді. Кейбір ағзалардан қанағу өзіне тән латынша атқа ие. Өкпеден қан кетуді – гемоптоэ, қан құсуды – гематомезис, мұрыннан қан ағуға – эпистаксис, жатырдан қан кетуді – метрораггия, несеппен қанның ажырап шығуын – гематурия, нәжіспен қанның бөлінуін – мелена дейді.