Патологиялық анатомия
Бауырдың майлы дистрофиясы
жүктеу/скачать 299,9 Kb. Pdf көрінісі
|
Патанатомия и патофизиология
| Бауырдың майлы дистрофиясы.
Бауыр май алмасуы процесіне тікелей қатысатын ағза болғандықтан бұл жерде əр түрлі гистохимиялық реакциялар арқылы əрдайым май тамшыларын табуға болады. Сондықтан, бауырдың майлы дистрофиясы дегенде, біз осы жердегі май мөлшерінің əдеттегіден көбейіп кетуін немесе химиялық құрамы басқаша болған майлардың жиналып қалуын түсінеміз. Қалыпты жағдайда бауырдағы майдың тек 1/4 бөлігі ғана бейтарап майларға жатса, майлы дистрофияда оның бəрі дерлік бейтарап майдан тұрады. Бауыр клеткаларында əуелі майда тамшылар пайда болады (майда тамшылы семіру), кейінірек олар бір-біріне қосылып ірі тамшылар түзеді (ірі тамшылы семіру.) Бауыр май дистрофиясы нəтижесінде үлкейіп, божырап, қамырдай жұмсарып қалады. Бауырдың майлы дистрофиясы алькоголизмде, қантты диабетте, семіздікте, зат алмасу процесінің бұзылуына байланысты пайда болады (10 - сурет) Алкоголизмде майдың май «қорларынан» шығуы күшейеді, гепатоциттерде май қышқылдарының синтезі артады, олардың тотықтану мөлшері төмендейді, сонымен қатар липопротеидтер синтезі азаяды, осы өзгерістер нəтижесінде май бауыр клетка ларында жиналып қалады. Егер ауру арақ-шарап ішуін тоқтатса, клеткалардағы май бауырдан 2—4 апта ішінде жоғалып кетеді. Ал арақ-шарап ішу жалғаса берсе, ауруда алкогольдік гепатит, кейінірек цирроз дамиды. Қантты диабетте, инсулин гормонының тапшылығына байланысты май «қорларынан» майдың қанға өтуі күшейеді, себебі инсулин осы процеске қарсы əрекет етуші (антилиполитик) гормондар қатарына кіреді. Сонымен бірге фосфолипидтердің синтезі жəне май қышқылдарының тотығуы да бұзылады. жүктеу/скачать 299,9 Kb. Достарыңызбен бөлісу:
|