Мәз болады болысың, арқаға ұлық қаққанға (Абай). Балам жас еді, шаруама қиын болады

Есім баяндауыштарға көмекші болатын етістіктің тағы бірі – көр етістігі. Ол бол етістігіндей, кез келген есімдерге көмекші болмайды, тек –дай// -дей, -тай//-тей қосымшасында тұрған есімдерге, сияқты, рас, өтірік тәрізді сөздерге көмекші болады:

Кейбір сөйлемдерге етістіктер мен есімдер тұрақты тіркес қалпында құрама баяндауыш болады:

Құрама баяндауыштағы модальды сөздер. Сияқты, секілді, тәрізді, шығар, болар, көрінеді, білем, керек, тиіс деген модальды сөздер есім баяндауыштарға көмекшілік қызметте айтылғанда, оларға шақтық мағына қосу үшін емес, сөйлемдегі ойға айтушының әр түрлі көз қарасын білдіру үшін жұмсалады:

Бірнеше етістіктің бір есімге көмекші болуы. Кейде бір есімге көмекші етістіктердің бірнешеуі қатысты болады, мысалы: Сағат тоғыз болып қалған екен;Ол студент болар, Ол студент болған болар, Ол студент болған шығар, Ол студент болған екен, т.б. Ондайда біріне-бірі тіркескен көмекшілер баяндауышқа әр түрлі шақтық, райлық, модальдық мағына қосып, айтайын деген мақсатты ойы дәлдей түседі. Оны мына мысалдан да аңғаруға болады: Оның маңдайынан тер бұрқ ете түсті (С.Мұқанов). Бұл сөйлемнің баяндауышы – бұрқ ете түсті. Оны бұрқ етті дегенмен салыстырғанда, алдыңғы күрделі баяндауыштың соңғы сөзі – түсті, бұрқ етті дегеннің өткен шақтық мағынасына дүркінділік мағына қосады. Оның орнына қалды деген көмекші етістікті қойып, бұрқ ете қалды десек, керісінше тез болған қимылды білдіреді.

Сөйтіп, құрама баяндауыштағы көмекші сөздер өздері қатысты есімдерге, еліктеуіш сөздерге түрлі-түрлі шақтық, видтік, модальдық мағына қосумен қатар, олардың баяндауыштық қызметін тиянақты етіп отырады.