Персоналды басқарудың мәні мен түсінігі

Персонал маркетингі - бұл ұйымды ұзақ мерзімде адам ресурстарымен қамтамасыз етуге бағытталған басқарушылық ic-әрекеттің түpi.

Персонал маркетингі - персоналды басқару саласындағы өндірістік маркетинг функциясының ұлғаюы және кeлeci базистік негіздерді қамтиды:

- маркетинг нарыққа бағытталған басқарудың негізгі қағидасы ретінде;

- маркетинг басқарушылық шешімдерді іздеудің жүйелендірілген әдісі ретінде;

- маркетинг өз ұйымының бәсекелік артықшылығына жету құралы ретінде;

- персонал маркетингі жұмыс орнын ұйымға сатылатын өнім ретінде сипаттайды.

Қaзipгi шетелдік ұйымдарда персонал маркетингі мәселелерінің мазмұны мен құрамын түсіну үшін екі негізгі қағиданы беліп қарастыру қажет.

Бірінші қағида персонал маркетингі түсіндірмесін кең мағынадақарастыруды көздейді. Персонал маркетингі түсінігі адам ресурстарын басқару стратегиясы мен белгілі бір философия ретінде беріледі. Бұл жерде персонал ұйымның ішкі және сыртқы клиенттері мағынасы ретінде қарастырылады, шын мәнінде бұл кәсіпорынды меншікті қызметкерлеріне «сатуы». Мұндай маркетингтің мақсаты еңбек етудің тиімділігін жоғарылатуға септігін тигізетін барынша қолайлы еңбек жағдайларын жасау жолымен кадрлық ресурстарды ұтымды пайдалану болып табылады.

Екінші қағида персонал түсіндірмесін қысқа мағынада талқылауды ұйғарады - бұл кәсіпорынның кадрлық ресурстарға деген қажеттіліктерін анықтап, оны қанағаттандыруға бағытталған пер­соналды басқару қызметінің ерекше функциясы.

Персонал маркетингінің мазмұнын анықтайтын сыртқы факторларға келесілер жатады:

- жалпы экономикалық жағдай және салалық іс-әрекетінің халі;

- кәсіпорын мен салалардағы технология деңгейі;

- еңбек заңдарының талаптары;

- қоғамдық өндірістік қарым-қатынастың өзгешілігіне тән әлеуметтік қажеттіліктердің және ұйым қызметкерлері мотивациясының ерекшіліктері;

- бәсекелес ұйымның кадрлық саясатының ерекшеліктерін зерттеп, дербес кадрлық саясаттың стратегиясын жасау.

Персонал маркетингінің ішкі факторлары:

- ұйым мақсаттары;

- қаржылық ресурстар;

- кадрлық қажеттіліктерді қанағаттандыру көздері: шеттен кадр «сатып алу» немесе іштен өз кадрларын «өcipy».