Геокеңістіктік деректер Жер бетіндегі белгілі бір жерлермен байланысты немесе олар туралы ақпаратты, соның ішінде үш өлшемді ақпаратты қамтитын кез келген деректер болып табылады.
Географиялық ақпараттық жүйе (ГАЖ) – кеңістіктік деректер мен географиялық деректерді жинауға және талдауға мүмкіндік беретін бағдарламалар жиынтығы. Геокеңістіктік талдау кескіндерді жинауды, картаға түсіруді, өңдеуді және талдауды, сондай-ақ ғаламдық орналасу жүйесін (GPS), спутниктік кескіндерді және өткен кезеңдердегі деректерді пайдалануды қамтиды.
Фотограмметриялық өңдеу
Фотограмметриялық жұмыстар - ортогоналды проекцияда жер учаскесінің бейнесін жасау мақсатында ғарыштық, аэро және жерүсті түсірілімдерінің деректерін камералдық өңдеу.
Фотограмметриялық өңдеу суреттер арқылы нысандардың кеңістікте орналасуын анықтауға, олардың геометриялық сипаттамаларын алуға, топографиялық карталар жасауға мүмкіндік береді.
Кеңістіктік деректер
Кеңістіктік деректер объектілердің кеңістіктік орналасуы туралы ақпаратты қамтиды және олардың геометриясын сипаттайды.
