Пленарлық баяндамалар
жүктеу/скачать 9,68 Mb. Pdf көрінісі
|
Халықаралық пед. оқу. жинагы 10-11.04 2024 (1)
- Бұл бет үшін навигация:
- ЦИФРЛЫҚ БІЛІМ БЕРУДІ ТРАНСФОРМАЦИЯЛАУ: ЦИФРЛЫҚ ПЛАТФОРМАЛАР ЖӘНЕ ТЕХНОЛОГИЯЛАР ТРАНСФОРМАЦИЯ ЦИФРОВОГО ОБРАЗОВАНИЯ
| ЦИФРЛЫҚ БІЛІМ БЕРУДІ ТРАНСФОРМАЦИЯЛАУ:
ЦИФРЛЫҚ ПЛАТФОРМАЛАР ЖӘНЕ ТЕХНОЛОГИЯЛАР ТРАНСФОРМАЦИЯ ЦИФРОВОГО ОБРАЗОВАНИЯ: ЦИФРОВЫЕ ПЛАТФОРМЫ И ТЕХНОЛОГИИ 213 Оқу жоспарларында ұсынылған ресурстар мұғалімге бағыт - бағдар ретінде берілген. Оларды мұғалім қажеттілігіне, жас ерекшелігіне, сынып деңгейіне сәйкес өзгерте алады. Қазақ тілі" пәні бойынша жазба жұмыстарының көлемі мынадай ретте берілген: 1. сөздік диктант – 2- сыныпта 5 - 7 сөз, 3 - сыныпта 9 - 12 сөз, 4 - сыныпта 12 - 15 сөз; 2. диктант – 2- сыныпта 25 - 30 сөз, 3 - сыныпта 35 - 50 сөз, 4 - сыныпта 55 - 70 сөз; 3. мазмұндама мәтінінің көлемі – 2- сыныпта 40 - 60 сөз, 3 - сыныпта 60 - 80 сөз, 4 - сыныпта 80 - 100 сөз; 4. шығарма мәтінінің көлемі – 2- сыныпта 25 - 35 сөз, 3 - сыныпта 35 - 55 сөз, 4 - сыныпта 55 -70 сөз. Бұл жерде диктант, мазмұндама және шығарма жаздыртуға байланысты жазба жұмыстарының көлемі айтылады . Әліппе кезеңінде оқу мен жазу процесі қатарласа жүреді. Білім алушылардың сауатты жазуды игеруі үшін дыбыстардың таңбасын танып - білуге, әріптерді үйренуге – сауатты болуға жасалған алғашқы қадамдары болып табылады. Әріптер таңбаларын жазуды меңгерту жұмыстары жүргізіледі. Сөздерді буындарға, буындарды дыбыстарға ажырату және керісінше, дыбыстардан буын, буындардан сөз құрастыру жұмыстары жүргізіледі. Білім алушылардың орфографияға қатысты білім, білік, дағдыларын тексеріп байқау мақсатында диктант жұмыстары жүргізіледі. Диктант жаздыруға дайындық жұмыстары Әліппе кезеңінің алғашқы күндерінен ұйымдастырылуы қажет. Сөздерге дыбыстық талдау жасау, буынға бөлу және де сөздер мен сөйлемдерді анықтау жұмыстары шартты белгілер арқылы жұзеге асады. Диктант түрлеріне байланысты жұмыстар күнделікті сабақ барысында үздіксіз жүргізілгенде ғана оң нәтиже береді. Білім алушылардың есту, қабылдау, есте сақтау қабілеттері дамиды, зейіндері тұрақталады [3]. Бастапқы күндері графикалық диктанттар жүргізу, келесі сабақтардағы кездесетін сөз, сөйлем жазуда кездесетін бірқатар қиыншылықтардың алдын алуға септігін тигізеді. Диктант жаздыруда 1 - сынып білім алушыларымен жүргізуге арналған диктант түрлерін айтсақ: - графикалық диктант - дыбыстық диктант/әріптік диктант - буын диктанты - сөздік диктант - көру диктанты - терме диктанты - шығармашылық диктанты - өзіндік диктант - бақылау диктанты. Графикалық диктанттар – графикалық жазу мен дыбыстық - буындық талдауға және де сөз, сөйлем сызбаларына негізделеді. Дыбыстық (фонетикалық) диктант - өтілген әріптердің «бас әріп, кіші әріп» түрлерінің жазылуын есте сақтауға арналады, сондай - ақ дыбыстарды дұрыс дыбыстау, есту және де тыңдау қабілеттерін арттырады. Буын диктанты - білім алушыларалдында өтілген әріптерден құралған буын түрлерін жазуға үйренеді. Бұл жерде назар аударатын нәрсе оза оқыту әдісінпайдалана отырып, білім алушылардың физиологиялық - психологиялық даму ерекшеліктерін есепке ала отырып буын түрлерін үйретудің болатындығы. Буын диктанттарын жаздыруды бірыңғай буын түрлеріне негіздеп жүргізген жөн, бір буын түрін толық меңгерген соң ғана, келесі буын түріне көшкен дұрыс. Атап айтсақ,білім алушылар ашық буын түріне қатысты диктант түрлерін жазуды меңгерген соң ғана, тұйық буын түріне өту қажет. Сөздік диктанты – жеке сөздерді сауатты, қатесіз, дұрыс жазуға және де сөз мағынасын таныстыруға, кейбір сөздердің айтылуы мен жазылуындағы өзгешеліктерді де оқытуды көздейді. Білім алушыларға емлелік тұрғыдан қиындық туғызатын сөздерге, оның өтілген материалдарға сәйкес келетіндігіне сөздік диктант жаздыруда баса назар аудару қажет.Сөздік диктантты жаздыру 5 минут болса жеткілікті . |