б) Таза оттек пен ауаның тотықтырғыш қасиеттерінің айырмашылықтары. Банканың шегіне дейін сумен толтырып, бетін шыны пластинкамен жауып, төмен қаратып суы бар астаушаға салыңдар да бетіндегі шыны пластинканы алып тастаңдар. Газометрден банкаға газ шығатын түтікті әкеліңдер. Банканы оттекпен толтырып, оның ішіне аздап су қалдырыңдар да (не үшін?) ауызын шыны пластинкамен жауып судан шығарыңдар.
Темір қасыққа көмірдің кішкене түйірін салып, оны жалында жағып алып, жанған кезде оттек бар банкаға біртіндеп салыңдар (25-сурет). Күкірттің ауада және оттекте жану қарқындылығын салыс-тырыңдар. Жанып бол- ғаннан кейін қасықты бан-
ка түбіндегі суға батырып, күкірттің судағы жану өнімін еріту үшін ыдысты жақсылап шайқаңдар.
Күкірттің орнына қызыл фосфор және алдын ала жағылған ағаш шыбығын алып осы тәжірибені қайталаңдар. Оттек бар ыдысқа темір қысқышпен ұстай отырып алдын ала жағылған магний жолағын салыңдар (жанып жатқан магнийге ұзақ уақыт қарамау керек, себебі ол көзге зиянды!).
Күкірттің, фосфордың, магнийдің оттекте жануөнімдері қосылыстардың қандай түріне жатады? Осы заттар сумен әрекеттескенде не түзіледі? Жорамалдарыңды индикатордың көмегімен тексеріңдер. Сәйкес реакция теңдеулерін жазыңдар.
