Презентация орындаған: Г.Қайыржанова Тобы: 104 Қабылдаған: А. Мамырова

Бұл топтың дәрілері зақымдаушы ықпалдарға бауырдың төзімділігін жоғарылатады, қызметінің қалпына келуіне ықпал етеді, оның уытсыздандырғыш мүмкіндігін күшейтеді.

Гепатопротекторлық әсер гепатоциттердегі метаболиттік үрдістердің қалпына келуімен, микросомалды ферменттердің белсенділігінің жоғарлауымен, жасуша мембранасы қызметінің қалпына келуімен көрінеді. Гепатопротекторларды жедел және созылмалы гепатитте, бауырдың нәрсізденуі мен берішінде, бауырдың уытты зақымдануында, соның ішінде маскүнемдікке байланысты қолданады.

Легалон шұбарала тікен өсімдігінің жемісінен алынады. Бұл өсімдіктің құрамына гепатопротекторлық әсері бар бірқатар флавоноидтар-силибинин, силидианин және силикристин кіреді. Силибининнің белсенділігі аса жоғары. Тәжірибеде гепатоуытты әсері бар бірқатар дәрілермен бауыр уланғанда силибининнің бауырды қорғайтыны көрсетілген.

Легалон флавоноидтар қоспасынан және сол көрсетілген өсімдіктер жемісінің сығындысынан тұратын қосынды дәрі болып табылады. Драже, капсула және ішке қабылдауға арналған эмульсия түрінде шығарылады. Биосіңімділігі 20-50% құрайды. Дәрі асқазан-ішек жолынан жақсы сіңіріледі.