Жоғары оқу орындарында дене шынықтыру сабақтары бір күнде арасында 10 минуттық үзіліспен 2 сағаттық уақытқа есептелінеді. Студенттердің субъективті көзқарасы бойынша дене шынықтыру сабақтарынан кейін аса қатты шаршау байқалмайды (21,5%). Көңіл-күйде қалыпты деңгейде болады, өйткені оқу іс-әрекетіндегі сияқты миға аса қатты салмақ түспейді, сондай-ақ, дене шынықтыру сабақтарынан кейін жұмысқа қабілеттілік деңгейі де қалыпты дәрежеде сақталады.
Студент жастар арасындағы мәдениет деңгейін анықтауда бос уақытты өткізудің түрлерін зерттеудің ерекше маңызы бар. Бос уақыт жеке тұлғаның қалыптасуына әсер етеді, хобби арқылы қоғамдық өмірге және жалпы мәдениетке кірісу процессі жүзеге асады. Студенттер өзінің қажеттіліктері мен құндылық бағдарына қарай бос уақытты өткізудің алуан түрін таңдайды. Студенттердің бос уақыты құрылымындағы ең танымал іс-әрекет – бұл жақын адамдармен қарым-қатынас жасау (достарымен, отбасымен т.б). Келесі 16-шы кестеде және 17-ші суретте студенттердің бос уақытын өткізуіне қатысты алынған зерттеу нәтижелері берілген.
