3.2 Студенттерді кәсіби іс-әрекетке бейімдеудегі физиологиялық аспектілерін тәжірибелік-эксперименттік зерттеу нәтижелері
Зерттеу аясында студенттердің физикалық даму деңгейін бағалау әдістерінің көмегімен антропометрикалық стандарттарға сүйене отырып, дене қалпының сәйкестілік дәрежесі бағаланды. Физикалық дамудың жеке көрсеткіштерін антропометриялық стандарттармен салыстыру кезінде 11-кестеде көрсетілгендей нәтижелер алынды.
Алынған нәтижелер көрсеткендей, зерттелушілердің басым бөлігі бойдың ұзындығы мен салмақ дәрежесі бойынша қалыпты деңгейлерге жатады. Тек қана, 5% студенттерде дене салмағының жетіспеушілігі немесе жоғары салмақ тіркелсе, 24%-ы орташадан жоғары нәтижелерді көрсетті. Профилактикалық бағыттағы іс-шаралар нәтижесінде, студенттерде дене салмағының жетіспеушілігі мен артық мөлшерін көрсететін көрсеткіштердің пайызы төмендеді, дене салмағының жетіспеушілігі бар қыздардың саны да азайды.
Кесте 11 – Физикалық даму деңгейі бойынша негізгі антропометриялық көрсеткіштері
