«Спорттық секцияларға/жаттығуларға қаншалықты жиі барасыз?» деген сауалға берілген жауаптар
Алынған нәтижелер
1
Аптасына екі және одан көп рет
19,2 %
2
Айына үш-төрт рет
11,9 %
3
Айына бір рет
9,3 %
4
Жылына бір реттен сирек
4,3 %
5
Спорт мекемелері мен жаттығу залдарына бармаймын
26,4 %
6
Спортпен үйде айналысамын
27,1 %
7
Жауап беруге қиналамын
1,8 %
Сауалнама ашық және жабық сұрақтардан құралды. Сұраққа жауап берген студенттердің 19,2 пайызы аптасына екі немесе одан да көп рет спорттық залдарға қатынайтындығын білдірді. Бұл нәтиже жоғары оқу орнында ұйымдастырылған спорттық секциялар мен спорттық залдарға қатысты. Респонденттердің 9,3 пайызы айына бір рет деп жауап берсе, 11,9 пайызы айына үш-төрт деген жауап нұсқасын таңдады.
Сурет 16 – «Спорттық секцияларға/жаттығуларға қаншалықты жиі барасыз?» деген сұраққа берілген жауаптар Респонденттер арасында жылына бір реттен сирек (4,3%) немесе спорт мекемелері мен жаттығу залдарына бармаймын (26,4%) деген жауаптарды берген студенттер саны да аз болмады. Спортпен үй жағдайында немесе жатақханада айналысамын деген жауап нұсқасын таңдаған студенттердің үлес салмағы 27,1 пайызды құрады. Бұл, әрине студенттер арасындағы физикалық даярлық деңгейінің орташадан төмен дәрежеде екендігін көрсетті. Профилактикалық іс-шара бағдарламасы аясында студенттерге ЖОО-да ұйымдастырылған спорттық секциялардың жұмысы насихатталды. Олардың спорт залдарға қатынау деңгейін жоғарылату мақсатында арнайы залдарда өтетін түрлі спорттық байқаулар мен сайыстар, фестивальдер ұйымдастырылып, өткізілді. «Дене шынықтыру» пәні кез-келген мамандықтың білім беру бағдарламасында қарастырылатын міндетті компонент. Жоғары оқу орнындағы физикалық мәдениет сабақтары студенттердің денсаулығын сақтауға және нығайтуға бағытталған маңызды жұмыстардың бірі. Біз студенттердің дене шынықтыру сабағынан кейінгі өзін-өзі сезіну деңгейін анықтау үшін арнайы сауалнама жүргіздік. Сауалнама жабық сұрақтардан құралғандықтан, студенттер өздерінің субъективті көзқарастарын білдіруге мүмкіндік алды. Төмендегі 15-ші кестеде алынған нәтижелер берілген.
Кесте 15 – ЖОО-дағы дене шынықтыру сабақтарынан кейінгі студенттердің өз-өзін сезіну деңгейі
