Балалардың тіршілік әрекетін ұйымдастыру

Психофизиологиялық ерекшеліктері бойынша екі жастағы балалар екі шағын топқа бөлінеді:

- 1 жастан 1 жас 6 айға дейін;

- 1 жас 6 айдан 2 жасқа дейін.

Әр жастағы шағын топқа өз күн тәртібі ұсынылады.

1 жастан 1 жас 6 айға дейінгі балалар күніне екі рет, ал 1 жас 6 айдан 2 жасқа дейінгі балалар бір ретұйықтайды. Баланың түнгі ұйқысы 10-11 сағатқа созылады.

Күн тәртібінің сәттері: тамақтандыру, ұйқы, гигиеналық және сауықтыру-шынықтыру шаралары бөлмеде жүргізіледі.Сауықтыру-шынықтыру шаралары табиғи факторларды, яғни ауа, күн, суды қолдану арқылы өткізіледі. Топ бөлмелерінде ауа температурасы +21-22 °С , жатын бөлмеде +15-16 °С құрайды.

Жазғы уақытта серуеннен кейін шынықтыру шаралары әр баланың денсаулық жағдайын ескере отырып, қолдарды, аяқтарды жуу арқылы жүргізіледі.

Ата-аналардың тілектері ескеріліп, арнайы шынықтыру шараларын әкімшілік және медицина қызметкерлері ұйымдастырады.