Педагог жетекшілімен ойын: «Әжеме арналған өлең»
Мақсаты: дауыс ырғағымен мәнерлеп суреттер арқылы қайталап, өлеңді жатқа айта алады. Отбасы мүшелерін ретімен атауға үйренеді. Үлкенді сыйлап, құрмет көрсетуге үйренеді.
Тиімділігі: командада жұмыс жасау арқылы балалар бір-бірімен тығыз байланыста болды, сыни ойлауы қалыптасты. Креативті айтылым, тыңдалым дағдысы қалыптасты.
Тиімді тұстары: балалар өлеңді тыңдау арқылы жатқа айту қабілеттері дамыды.
Сәтсіз тұстары: отбасы мүшелері туралы әңгімелеу барысында балалардың арасында сөздерді байланыстыра алмай қалуы кездесті.
Алдағы уақытта байланыстырып сөйлеу дағдысы бойынша балалармен жеке жұмыстар жүргізуді жоспарладым.
Құрылымдалған ойын – ұйымдастырылған оқу қызметінің нақты тұстарын баланың игерген білімдерін бекітуге, қорытындылауға және нәтижеге жету үшін аса қажетті ойын түрі.
Құрылымдалған ойын: «Менің отбасым»
Мақсаты: өз отбасы мүшелерін есімімен, туыстық атауымен атап , сурет бойынша әңгімелей алады, байланыстырып сөйлеу дағдысы қалыптасады.
Тиімділігі: өз отбасын құрметтеуге, сыйлауға үйренеді. Отбасындағы тұрмыс туралы айтып беруге үйренеді. Отбасының маңыздылығын түсінеді. бірізділікпен сөйлеу дағдысы дамиды.
Достарыңызбен бөлісу: |
